Փաշինյանը չգտավ «սրտի թեկնածուին»․ Լուսանկար

Հոկտեմբերի 9-ին տեղի է ունեցել իշխող «Քաղաքացիական պայմանագիր» կուսակցության վարչության դռնփակ նիստը, որի ընթացքում, ի թիվս այլ հարցերի, պետք է որոշվեր ՀՀ Արդարադատության նախարարի նշանակման հարցը:

ԶԼՄ-ների տեղեկություններով՝ ավարտված փակ նիստի ընթացքում Արդարադատության նախարարի հարցում իշխող ուժի ղեկավար կազմը մերժել է բոլոր թեկնածուներին:

ՔՊ-ն նախարարի տարբեր թեկնածուներ է քննարկել՝ Արփի Դավոյան, Արուսյակ Ջուլհակյան, Վլադիմիր Վարդանյան, Հերիքնազ Տիգրանյան, քննարկվել է նաև Սիսակ Գաբրիելյանի թեկնածությունը։ Նրանց թեկնածությունները քվեարկվել են և մերժվել:

Երբ Նիկոլ Փաշինյանն այս մարդկանց հանձնարարել էր կազմակերպել Գրիգոր Մինասյանի դեմ արշավը, ՔՊ պատգամավորներին թվացել էր՝ իրենք կարևոր, որոշում կայացնող սուբյեկտ են:
Նրանցից ոմանք այնքան էին «բոբիկացել», որ իրենց նախարար էին երևակայում՝ «5 րոպե պակաս» ռեժիմում:

Փաշինյանն այս մարդկանց երեկ ցույց տվեց, թե ինչ «արժեք» ունեն իրենք, ու նաև հստակ ցույց տվեց, թե ով է «ասողը» իշխանության և կուսակցության մեջ:

Ու նաև այս պատմությունն այն մասին է, թե ինչպիսի աղքատիկ վիճակում է ՔՊ կադրային բանկը:
Մենք ծաղրում ենք Արփի Դավոյանին, բայց այդ խմբակցությունում բոլորն են նրա կարգավիճակում՝ մասնագիտական, բարոյական առումներով:

Ամեն ինչ արդար է:

Սուրեն Սուրենյանց