Ուկրաինայի նախագահ Վլադիմիր Զելենսկու կինը՝ Ուկրաինայի առաջին տիկին Ելենա Զելենսկայան, իտալական Rai հեռուստաալիքին տված հարցազրույցում պատմել է, թե որտեղ են այժմ իրենց երեխաները։
Զելենսկայայի խոսքով՝ իր երեխաների անվտանգության նկատառումներից ելնելով ինքը չի կարող բացահայտել բոլոր մանրամասները։ Նա նշել է, որ իրենց որդին և դուստրը շարունակում են մնալ Կիևում։
Առաջին տիկինն ընդգծել է, որ մինչ ինքը պարբերաբար գործուղումների է մեկնում, այդ թվում՝ արտասահմանյան, իրենց երեխաները այս ամբողջ ընթացքում մշտապես գտնվում են Ուկրաինայի մայրաքաղաքում:
Ուկրաինայի նախագահի կինը պատմել է նաև, որ թեև ինքն ու ամուսինը շարունակում են առանձին ապրել, բայց աշխատանքի շնորհիվ նրանք կարողանում են հանդիպել միմյանց և միասին ժամանակ անցկացնել։
Բաց մի թողեք
Ուկրաինայի զենքի պաշարները կբավարարեն մինչև ամառվա վերջ․ Bild. Լուսանկարներ
Մակրոնը Զելենսկիին ասել է, որ Պուտինը Ուկրաինայի հարցում իր կարծիքը չի փոխել․ Bloomberg
Եկատերինբուրգում ձերբակալվել է տեղի ադրբեջանական համայնքի ղեկավարը. Լուսանկար