ՌԴ փոխարտգործնախարար Միխայիլ Գալուզինը կարծում է, որ Բաքվում հասկանում են Ռուսաստանի հետ դաշնակցելու կարևորությունը: Նա այդ մասին ասել է լրագրողներին՝ պատասխանելով Բաքվում Ռուսական տան և Sputnik Ադրբեջանի գործունեության կասեցման ֆոնին երկրների հարաբերությունների մասին հարցին։
«Ես վստահ եմ, որ պաշտոնական Բաքուն հասկանում է Ռուսաստանի և Ադրբեջանի միջև դաշնակցային համագործակցության կարևորությունը։ Կցանկանայի, որ ադրբեջանցի գործընկերներն իրենց հետագա քայլերում առաջնորդվեին մեր ղեկավարների պայմանավորվածությունների կատարման բացառիկ կարևորության ըմբռնումով, որը վերաբերում է մեր հարաբերությունների ամբողջ սպեկտորին»,– ասել է Գալուզինը։
Ավելի վաղ Ադրբեջանի ԱԳՆ մամուլի քարտուղար Այհան Հաջիզադեն հայտարարել էր, որ Բաքվում լուծարվել են Բի-բի-սիի և «Ռոսիա սեգոդնյա» մեդիախմբի (Sputnik Ադրբեջան) ներկայացուցչությունները:
Միաժամանակ «Ռոսիա սեգոդնյա» մեդիախմբից ՌԻԱ Նովոստիին հայտնել են, որ պաշտոնական ծանուցումներ չեն ստացել։
Բաց մի թողեք
Բաքուն բզբզում է, իբր «Հանուն Իսրայելի հետ մերձեցման Հայաստանը զոհաբերում է Իրանի շահերը»
ԱՄՆ պետքարտուղար Ռուբիոյի և Դոնալդ Թրամփի հատուկ ներկայացուցիչ Ուիթկոֆի միջեւ «մրցակցություն է սկսվել»
Լիբիական ինքնաթիռի «հարձակմամբ սարքել են Թուրքիայի գլխին»