Ապրիլի 14-ին, արտակարգ դեպք է տեղի ունեցել Երևանում։
Ժամը 16։35-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Արաբկիրի բաժնում տեղեկություն է ստացվել, որ Կիևյան փողոցում տեղի ունեցած դանակահարության հետևանքով տուժած քաղաքացու են տեղափոխել «Արմենիա» բժշկական կենտրոն։
Ինչպես հայտնում է ֆոտոլրագրող Գագիկ Շամշյանը, հիվանդանոց մեկնած ոստիկանության Արաբկիրի բաժնի ծառայողներին՝ բաժնի պետ Ռուբեն Ներսիսյանի գլխավորությամբ, բժիշկները հայտնել են, որ վիրավորը ի վիճակի չէ կատարվածի մասին բացատրություն տալու, քանի որ գտնվում է վիրահատարանում։
Ոստիկանության Արաբկիրի բաժնի ծառայողները պարզել են, որ վիրավորը Երևանի բնակիչ 44-ամյա Արա Շ․-ն է, ով հիվանդանոց է տեղափոխվել դանակահարության հետևանքով «մարմնի բազմակի վնասվածքներով» ախտորոշմամբ ծանր առողջական վիճակով։
Ոստիկանության Արաբկիրի բաժնի ծառայողների կողմից ձեռնարկվում են միջոցառումներ դեպքի հանգամանքները, դեպքի վայրը, հանցագործություն կատարած անձին հայտնաբերելու և նախաքննությանը ներկայացնելու ուղղությամբ:
Դեպքի փաստով ոստիկանության Արաբկիրի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Արաբկիրի քննչական բաժին։
Բաց մի թողեք
Մանվել Գրիգորյանի ժառանգներից և փոխկապակցված անձանցից կբռնագանձվի ավելի քան 1,2 միլիարդ դրամի գույք ու դրամական միջոց
Երկրորդ անգամ խուզարկել են «Սյունյաց երկիր» թերթի խմբագիր Սամվել Ալեքսանյանի բնակարանը
Ստեփանավանում ձերբակալված 14 անձանցից մեկը «Ուժեղ Հայաստան»-ի ցուցակը գլխավորող Արսեն Գևորգյան է. Լուսանկար