Քրեական ոստիկանության Լոռու մարզային վարչության ծառայողների բացատրական աշխատանքի արդյունքում մայիսի 2-ի առավոտյան վարչություն է ներկայացել անցած տարվա օգոստոսից ՌԴ իրավապահների կողմից ապօրինի դրամախաղերի կազմակերպման և իրականացման մեղադրանքով հետախուզվող վանաձորցի 36-ամյա տղամարդ:
Այս մասին տեղեկացնում են Ներքին գործերի նախարարությունից՝ նշելով, որ խափանման միջոց է ընտրվել կալանքը:
Մայիսի 2-ի գիշերը՝ ժամը 3-ին, «Բագրատաշեն» սահմանային վերահսկողության բաժնից Համայնքային ոստիկանության Նոյեմբերյանի բաժին է տեղափոխվել Երևանում բնակվող 47-ամյա օտարերկրացի:
Հայաստանում Ինտերպոլի ԱԿԲ-ից ստացված տվյալների համաձայն՝ նա Իրանի Իսլամական Հանրապետության իրավապահների կողմից 2017 թվականից հետախուզվում էր խարդախության մեղադրանքով, խափանման միջոց է ընտրվել կալանքը:
Բաց մի թողեք
Սարալանջում գումարային պարտքի շուրջ համագյուղացիները վիճաբանել են․ 50-ամյա տղամարդ է սպանվել
Կոտայքի մարզում վիճաբանությունն ավարտվել է դանակահարությամբ․ կասկածյալը պաշտոնյայի հորեղբոր տղան է
Գյումրու քաղաքապետ Վարդան Ղուկասյանի որդուն կրկին կալանավորել են