«Ամենայն հավանականությամբ իրավապահ համակարգի միջոցով է նկատի ունեցել»:
Այսպես պատասխանեց ՀՀ անվտանգության խորհրդի քարտուղար Արմեն Գրիգորյանը լրագրողների հարցին՝ կապված ԱԺ-ում վարչապետ Նիկոլ Փաշինյանի հայտարարությունների հետ, որով նա, դիմելով ընդդիմադիրներին, ասել էր՝ եթե առաջնորդվենք մամուլի հրապարակումներով, «ձեզ պիտի տանենք ԱԱԾ պադվալները լցնենք»:
Նա հերքեց պնդումները, թե նման վարքով գործող իշխանությունը գնում է նախկինների ճանապարհով և հավելեց, որ կոռուպցիան համարում է Ազգային անվտանգությանը սպառնալիք:
«Միանշանակ մենք չենք գնում, այսպես կոչված, նախկինների ճանապարհով: Ի՞նչն է պատճառը, որ Անվտանգության խորհրդի գրասենյակը սրանով զբաղվում է, որովհետև կոռուպցիան մենք համարում ենք մեր ազգային անվտանգությանը սպառնալիք:
Քանի որ կոռուպցիայի դեմ պայքարը Կառավարության համար առաջնահերթություն է, և Անվտանգության խորհուրդը նաև դրա շրջանակներում աշխատանքներ է կատարում, և հրապարակումները, որոնք կան մամուլում, դրանց մասին մենք հավաքագրում ենք և տեղեկացնում նաև զեկույցով վարչապետին՝ համարելով, որ կոռուպցիայի դեմ պայքարը առաջնահերթություն է և ազդում է Հայաստանի անվտանգության վրա»,- ընդգծեց Գրիգորյանը:
Բաց մի թողեք
Չեմ մտածում՝ Հայաստանում էդքան «շուն ու շանգյալ» ընտրող կա ․․․
Հեղինակը, հուսանք, զերծ կմնա կեղծ թեզերի տարածումից, հանրային գրառմամբ կհերքի իր թյուրիմացությունը․ ԱԳՆ
Մենք հրավիրում ենք Թուրքիային դառնալու գործընկեր. Ալեն Սիմոնյանի ելույթը Թուրքիայում