Մայիսի 19-ին Ռուսաստանի արտաքին գործերի նախարարությունը հաղորդագրություն էր տարածել ՌԴ ԱԳ նախարար Սերգեյ Լավրովի՝ Հայաստան կատարելիք այցի վերաբերյալ։ Նշել էին, թե ինչ ծրագրով է երկօրյա այցով՝ մայիսի 20-21-ին Լավրովը ժամանում Հայաստան։
Իսկ հաղորդագրության վերջին մասում գրված էր․ «Ավանդույթի համաձայն՝ ծաղիկներ կզետեղվեն Անհայտ զինվորի գերեզմանի անմար կրակի մոտ և ծաղկեպսակ կտեղադրվի Հայոց ցեղասպանության զոհերի հուշարձանին»։
Այսօր տեղեկացանք, որ Հայոց ցեղասպանության հուշահամալիր այցը հանվել է Լավրովի այցի օրակարգից։ Նա միայն ծաղկեպսակ է տեղադրել Անհայտ զինվորի հուշարձանին, իսկ Ցեղասպանության հուշահամալիր չի այցելել, միայն ծաղկեպսակ է ուղարկել։ Թերեւս՝ ծրագրից դա հանվել է ՀՀ իշխանությունների ցանկությամբ եւ ՌԴ ԱԳ նախարարի համաձայնությամբ։ Պաշտոնական բացատրությունն այն է, որ այցի ծրագիրը հագեցած է եւ Սերգեյ Լավրովը չի հասցնում նաեւ Եղեռնի հուշարձան այցելել, բավարարվել է միայն Անհայտ զինվորի հուշարձան այցելությամբ եւ պսակադրությամբ։
Բաց մի թողեք
Ադրբեջան-Ռուսաստան հարաբերությունների ամրության հարցում ոչ ոք չպետք է կասկած ունենա. Օվերչուկ
«Վիճակը» լավ չէ. «նախկինի պես» շարունակել գործելը անհնար է
Հավանական թիրախներ. Մոսկվան հրապարակում է Ուկրաինայի համար անօդաչու թռչող սարքեր արտադրող եվրոպական ընկերությունների մասին տվյալներ