Եվրոպացիները տարակուսած են. Իրանի ճգնաժամի լուծումը պետք է հանգեցնի տարածաշրջանում լարվածության թուլացմանը. G7. Տեսանյութ

«Իրանական ճգնաժամի» կարգավորումը պետք է հանգեցնի Մերձավոր Արևելքում լարվածության թուլացման և Գազայի հատվածի շուրջ իրավիճակի կարգավորման:

Այս մասին ասված է «Մեծ յոթնյակ»-ի երկրների ղեկավարների համատեղ հայտարարության մեջ:

«Իրանը տարածաշրջանային անկայունության ու ահաբեկչության գլխավոր աղբյուրն է։ Մենք հետևողականորեն հայտարարում ենք, որ Իրանը երբեք չպետք է ունենա միջուկային զենք։ Մենք վճռականորեն կոչ ենք անում, որպեսզի իրանական ճգնաժամի կարգավորումը հանգեցնի Մերձավոր Արևելքում ռազմական գործողությունների ավելի ընդգրկուն թուլացման, այդ թվում՝ Գազայի հատվածում»,- հայտարարել են գագաթնաժողովի մասնակիցները։

Թրամփը G7-ում՝ մերժում է խմբային որոշումները, քննադատում է Մեծ Յոթնյակին Ռուսաստանին հեռացնելու համար։ Եվրոպացիները տարակուսած են։

Կանադայում ընթացող G7 գագաթնաժողովում Դոնալդ Թրամփը դարձյալ ցնցում է միջազգային օրակարգը։ Նա հայտարարում է, որ Ռուսաստանի հեռացումը G7-ից եղել է «մեծ սխալ», մերժում է համատեղ աշխատանքը եվրոպացի առաջնորդների հետ և խուսափում է որևէ ընդհանուր փաստաթուղթ ստորագրելուց։