Մի քանի ժամ առաջ` Սամվել Կարապետյանի` ի աջակցություն եկեղեցուն արված հայտարարությունից հետո լուր տարածվեց, որ Կարապետյանը ձերբակալվել է:
Լրատվամիջոցները հրապարակեցին քարշակով տարածքից տարվող ավտոմեքենան, որը պատկանում է Սամվել Կարապետյանին: Ապա լուրեր տարածվեցին, որ նրա տանը խուզարկություն է ընթանում:
Այս պահի դրությամբ ներկայացնում ենք այն տեղեկատվությունը, որը հաջողվել է ստուգել:
Ազգային Ժողվում գտնվող Նիկոլ Փաշինյանը 4-5 գրառում է կատարել արդեն` Սամվել Կարապետյանին ուղղված սպառնալիքներով: Նրա ուսապարկերը ԱԺ հայտարարությունների ժամը վերածել են Եկեղեցուն եւ Սամվել Կարապետյանին թիրախավորելու ակցիայի:
Կարապետյանի` Ուլնեցու վրա գտնվող տան մերձակայքում մեծ թվով ԱԱԾ-ի աշխատողներ են` մեքենաներում նստած: Ասում են` սպասում են, որ ԱԺ նիստն ավարտվի, Նիկոլ Փաշինյանից հրահանգ ստանան` ձերբակալե՞լ Կարապետյանին, թե ոչ:
Տանը խուզարկություն չի ընթանում: Կարապետյանի տանը ԱԺ պատգամավորներ կան, բակում հավաքվել են նրա հարազատներն ու ընկերները, որոնք մարտական են տրամադրված եւ որոշել են թույլ չտալ, որ Կարապետյանին ձերբակալեն: Նրանք սպասում են իրավապահների ժամանելուն:
Ցերեկը Ուլնեցի փողոցից 40-45 մարդ է ձերբակալվել եւ տարվել ՆԳՆ: Նրանք Սամվել Կարապետյանի աշխատողներն են, ընկերները: Հատուկ ջոկատայիններն ուղղակի տան դեմից ձերբակալել եւ առեւանգել են նրանց, հավանաբար, որպեսզի դիմադրություն չլինի եւ երկրորդ փուլում արդեն Նիկոլ Փաշինյանին զայրացրած Սամվել Կարապետյանին տանեն:
Նման անթաքույց քաղաքական հետապնդում` խոսքի համար, անգամ աֆրիկյան երկրներում, Հյուսիսային Կորեայում տեղի չեն ունենում:
Բաց մի թողեք
Ոստիկանության բաժին են կանչել Երևանի Կենտրոն վարչական շրջանի նախկին ղեկավար Վիկտոր Մնացականյանին
Հայտնի են «Սրբազան Պայքարի» ձերբակալված կողմնակիցների անունները
Թուրքիան սպառնալիք չէ Հայաստանի համար, և Հայաստանը սպառնալիք չէ Թուրքիայի համար․ Փաշինյանը Էրդողանին հրավիրում է Երևան