Իրանում համատարած հուղարկավորություններ են, սուգ

Իրանում այսօր հուղարկավորում են Իսրայելի հարվածների հետևանքով զոհված զինվորականներին, գիտնականներին և քաղաքացիական անձանց:

Իրանի մայրաքաղաքում տեղի են ունենում Իսրայելի հետ 12-օրյա հակամարտության ընթացքում զոհված ռազմական առաջնորդների, միջուկային գիտնականների և քաղաքացիական անձանց հուղարկավորության արարողությունները, հաղորդում է ՌԻԱ Նովոստիի թղթակիցը։

Press TV-ի տվյալներով՝ Թեհրանում հողին են հանձնում ավելի քան 60 իրանցու. թաղման արարողությանը մասնակցում է Իրանի նախագահ Մասուդ Փեզեշքիանը։

Իրանի մայրաքաղաքից, հրաժեշտի երթի մասնակիցները քայլել են քաղաքի կենտրոնական փողոցներով՝ զոհված միջուկային գիտնականների և ռազմական առաջնորդների պաստառներով և պատկերներով։

Զոհերի թվում են՝ ԻԻՀ զինված ուժերի գլխավոր շտաբի պետ Մոհամմադ Բաղերին, Իրանի զինված ուժերի «Խաթամ ​​ալ-Անբիա» ուժերի կենտրոնական շտաբի հրամանատար Ալի Շադմանին և ուրիշներ։