Էս էլ կանցնի, հետո չասեք՝ մենք չէինք ուզում, մեզ ստիպում էին․ Հարությունյան

ՔԵԶ ՉԵՄ ԱՍԵ՞Լ ԱՆՈՒՆՆԵՐ ՉՏԱՍ

1994-ին ձերբակալում են արձակագիր, ՀՅԴ անդամ  Ռոլանդ Շառոյանին  և ԱԱԾ քննչականում փաստաբան Ռուբեն Ռշտունիի ներկայությամբ սկսում են  հարցաքննել:

Քննիչը հարցնում է,- դուք հիմնադրել եք դաշնակցությունը, ճի՞շտ է, հաստատո՞ւմ եք:
Ռոլանդը զարմացած քննիչի անտեղյակությունից, ասում է, – ե՞ս, ոչ, դաշնակցությունը հիմնադրել են Քրիստափոր Միքայելյանը, Սիմոն Զավարյանը և Ստեփան Զորյանը :
Երբ Ռոլանդը հնչեցնում է ՀՅԴ հիմնադիրների անունները, դատապաշտպանը սաստում է, ասելով՝ «Ռոլանդ ես քեզ չեմ ասե՞լ, անուններ չտաս»:

Իսկ երբ, մինչ ձերբակալությունը ԱԱԾ-ականները մտել էին Ռոլանդի տուն և խուզարկություն էին իրականացնում, Ռոլանդը ասել էր,«զենք, զինամթերք ինչքան բերեք՝ տեր եմ, բայց նարկոտիկ չգցեք, օջախս չպղծեք» :

Այսօր «իրավապահները» դաշնակցականների տներից որպես փաստացի ապացույց առգրավել են «Մահ կամ ազատություն» գրությամբ վերնաշապիկներ և հետաքրքիր է, որ քննիչները չգիտեն, որ այդ կարգախոսի հեղինակները ևս դաշնակցության սուրբ երրորդությունն է՝ Քրիստափոր Միքայելյանը, Սիմոն Զավարյանը և Ստեփան Զորյանը:

Տղերք, ամոթ է, կրթվեք, հատկապես, երբ ձեզ ուղղորդողը պնդում է ՝  #կրթությունը_նորաձև է:
Էս էլ կանցնի, հետո չասեք՝ մենք չէինք ուզում, մեզ ստիպում էին:

Հարություն Հարությունյանի ֆեյսբուքյան գրառումը