«Էլեկտրաէներգիայի գինը բարձրացնողը կամ իջեցնողը Կարապետյանները չեն, դա սխալ եզրույթ է, որ օգտագործում եք, հանձնաժողովն է որոշում, բայց հիմա վա՞տ է, որ չենք թանկացնում»:
Այս մասին կառավարության նիստից հետո լրագրողների հետ զրույցում ասել է ՀԾԿՀ նախագահ Մեսրոպ Մեսրոպյանը՝ անդրադառնալով դիտարկմանը, թե Կարապետյաններն իրենց միջոցների հաշվին զսպել են սակագնի բարձրացումը, հիմա ՀԷՑ ժամանակավոր կառավարիչ Ռոմանոս Պետրոսյանն ու Մեսրոպյանն ակնակրկում են սակագնի բարձրացման մասին։
ՄԵսրոպյանը ճշտել է, որ ինքը որևէ բան չի ակնարկում. «Դուք տեսական հարց եք տալիս, ես ձեզ պարտավոր եմ ճշմարտությունն ասել տեսական հարթության մեջ: Ես չեմ ակնարկում, որ սակագին կբարձրանա:Այդ հարցն ունի երկու պատասխան՝ այո, կարող է բարձրանալ և ոչ, չի բարձրանա: Երբ տարվա վերջում Հանձնաժողովը սակագների վերահաշվարկի պրոցեսը սկսում է, այդ ժամանակ է պարզ լինում սակագինը կբարձրանա՞, թե չի բարձրանա: Օդի մեջ մերկապարանոց հայտարարություններ չենք կարող անել»:
Բաց մի թողեք
ԵՄ-ն 2027 թվականից ամբողջությամբ կարգելի ռուսական բնական գազի մատակարարումները
1000 խոշոր հարկ վճարողների կողմից 2025 թվականի հունվար-դեկտեմբեր ամիսների ընթացքում վճարվել է ավելի քան 1 տրիլիոն 946 միլիարդ 460 միլիոն դրամ
ԵՄ-ի արդյունաբերական քաղաքականությունը լիովին տարածվում է Չինաստանի վրա