ԱՄՆ Պետքարտուղարության մամուլի ծառայությունն արձագանքել է ադրբեջանական լրատվամիջոցների պնդումներին այն մասին, որ ապրիլի 5-ին Բրյուսելում կայացած Հայաստան-Եվրամիություն-ԱՄՆ համաժողովի շրջանակում ռազմական բնույթի փաստաթուղթ է ստորագրվել:
Որոշ լրատվամիջոցներ հրապարակել էին անգամ գոյություն չունեցող փաստաթղթի լուսանկարը:
Պետքարտուղարությունը ադրբեջանական պետական գործակալության հարցմանն ի պատասխան՝ հայտնել է, որ որ նշված «փաստաթուղթը» մաքուր ապատեղեկատվություն է, գոյություն չունի:
«Այս փաստաթուղթը մաքուր ապատեղեկատվություն է. անվտանգության հարցեր օրակարգում չեն եղել։ Մենք ձեզ կոչ ենք անում ուսումնասիրել ապրիլի 5-ին Բրյուսելում կայացած եռակողմ հանդիպման արդյունքներով ԵՄ-ի և Հայաստանի հետ համատեղ մամուլի հաղորդագրությանը։ ԵՄ-ի և Հայաստանի հետ բրյուսելյան հանդիպումը կենտրոնացած էր բացառապես Հայաստանի տնտեսական դիմակայունության վրա, քանի որ երկիրն աշխատում է իր առևտրային գործընկերությունների դիվերսիֆիկացման և հումանիտար կարիքների լուծման ուղղությամբ, ինչպես նաև աջակցելու Հայաստանի ընթացիկ բարեփոխումներին, ներառյալ այնպիսի ոլորտներում, ինչպիսիք են ժողովրդավարությունը և օրենքի գերակայությունը»,- հայտարարել է Պետքարտուղարությունը։
Հիշեցնենք՝ նախօրեին ՀՀ ԱԳՆ-ն հայտարարել էր, որ ադրբեջանական լրատվամիջոցներում հրապարակված փաստաթուղթը կեղծ է, նման հարցեր բրյուսելյան հանդիպման օրակարգում չեն եղել:
Բաց մի թողեք
Կոչեր Ադրբեջանին, միջազգային հանրությանը. Ցեղասպանագետների միջազգային ընկերակցությունը ԼՂ-ի վերաբերյալ բանաձև է ընդունել
ԵԽ արդարադատության նախարարները Ուկրաինային առնչվող հռչակագիր են ընդունել. Հայաստանը չի միացել
Հայաստանում որևէ մեկը զբաղվո՞ւմ է տեղեկատվա-քարոզչական անվտանգության հարցերով