«Որտեղից եք վերցրել, ասում են՝ ո՞վ, ես երեկ ասել եմ, ուզում եք նորից կրկնեմ, չեմ կրկնելու, իմ ասածը մնում է ուժի մեջ»:
Այս մասին ասաց ԱԺ պաշտպանության և անվտանգության հանձնաժողովի նախագահ Անդրանիկ Քոչարյանը՝ անդրադառնալով Ներքին Հանդում սահմանը հատած ադրբեջանցուն և պտտվող լուրերին, թե մի քանիսն են եղել. «Հերիք է սխալ տեղեկություն տարածեք աջ ու ձախ, է՜ս ինչ բան է, տեղեկություններ են տարածվել, որտեղի՞ց են տարածվել՝ աղբյուր չեք կարո՞ղ ասել: Ձեր մյուս գործընկերների աղբյուրներով էլ ուրիշ բաներ են տարածվում»:
Լրագրողներից մեկի դիտարկմանը, թե ուզում են Հանձնաժողովի նախագահի պարզաբանումը, նա նշեց. «Հանձնաժողովի նախագահը երեկ ասել է, դուք ավելի լավ է ճշտեք՝ ձեր սեփականատերը վերադառնում է, թե չէ: Վերջացրեք, ասում եմ, ի՞նչ է եղել, ինչ որ եղել է, երեկ մանրամասն տեղեկությունը տարածվել է, ինչո՞ւ եք կեղծ տեղեկատվություն տարածում»:
Երեկ լուսադեմին Սյունիքի մարզի Տեղ համայնքի սահմանային հատվածում հայ-ադրբեջանական շփման գիծը հատել է ադրբեջանական զինված ուժերի զինծառայող, որը զինված է եղել ինքնաձիգով և 1 պահատուփով: Վերջինիս հայկական զինված ուժերի զինծառայողները վնասազերծել են:
Ազգային անվտանգության ծառայությունից հաղորդել են, որ դեպքի կապակցությամբ նախաձեռնվել է քրեական վարույթ:
Ադրբեջանի պաշտպանության նախարարությունից էլ հայտնել են, որ Ռուսլան Փանախովը մոլորվել է անբարենպաստ եղանակային պայմանների պատճառով:
Անդրադառնալով սահմանը հատած ադրբեջանցի զինծառայողին՝ Ազգային ժողովի պաշտպանության և անվտանգության հանձնաժողովի նախագահ Անդրանիկ Քոչարյանը լրագրողների հետ զրույցում հերքել էր լուրերը, թե սահմանը երկու զինծառայող է հատել՝ հաստատելով մեկի փաստը:
Նա դժվարացել էր նշել, թե ինչ ճակատագիր կունենա ադրբեջանցին՝ միաժամանակ նկատելով, որ առաջադրված մեղադրանքից հետո ադրբեջանական կողմի հետ կխոսեն՝ հաշվի առնելով, որ հայկական կողմն էլ Ադրբեջանում գերիներ ունի:
Քոչարյանը նաև ուշադրություն էր հրավիրել այն հանգամանքի վրա, որ այժմ շատ դժվար է հայկական կողմի բնագծերն աննկատ անցնել։
Բաց մի թողեք
«Զանգեզուրի միջանցքը» կեղծ է, նման պատրանքներին հետևողների համար հետևանքները ծանր կլինեն. Էբրահիմ Ազիզի
Դա խոչընդոտ կհանդիսանա ՀՀ-ի ԵՄ անդամակցության ճանապարհին․ Սարգսյան
Պավել Դուրովն անդրադարձել է Ֆրանսիայում իր դեմ իրականացվոսղ գործողություններին