Գորիսում զինամթերքի գործադրմամբ զինված միջադեպ է տեղի ունեցել:
ՀՀ քննչական կոմիտեից հայտնել են, որ Գորիսում տեղի ունեցած դեպքի առթիվ նախաձեռնվել է քրեական վարույթ՝ Քրեական օրենսգրքի 155-րդ հոդվածի (սպանությունը) (2 դրվագ), 44-155-րդ հոդվածի (սպանության փորձը), 335-րդ հոդվածի (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը) հատկանիշներով:
Հունվարի 25-ին՝ ժամը 17.05-ին, ՆԳՆ ոստիկանության օպերատիվ կառավարման կենտրոն զանգահարած քաղաքացին հայտնել է, որ Գորիսի Թոզկապ կոչվող հատվածում` գերեզմանների մոտ, վիճաբանություն է եղել: Հայտնում են ՆԳՆ ոստիկանությունից։
Նշված վայր են մեկնել ՆԳՆ ոստիկանության օպերատիվ խմբեր։ Պարզվել է, որ կենցաղային հարցերի շուրջ տեղի է ունեցել վիճաբանություն, ինչի ընթացքում 45-ամյա Վարուժան Յոլյանի ձեռքի նռնակը պայթել է: Վարուժան Յոլյանը և 38-ամյա Արմեն Յոլյանը մահացել են, իսկ վիճաբանությանը ներկա Գորիսի 30-ամյա բնակիչը ստացել է վնասվածքներ և տեղափոխվել բժշկական կենտրոն։
Արդեն հայտնել ենք, որ հողային վեճի պատճառով երեկ սպանվել է Առուշ Առուշանյանի վարորդը, նա եղել է ընկերոջ հետ, որի ազգականը հողային վեճի պատճառով նռնակ է պայթեցրել եւ երկու երիտասարդներն էլ մահացել են:Մեր տեղեկություններով՝ վեճը ծագել է առանձնատան պատկից ցանկապատի պատճառով: Առանձնատունը պապական ժառանգություն է համարվել երկուսի համար, որը երկարատև վեճի պատճառ է հանդիսացել, անգամ դատական գործընթացի մեջ է եղել:
Վիրավորվել է նաև վարորդի ընկերը` արցախցի երիտասարդ, որին այժմ վիրահատում են:Գորիս բժշկական կենտրոնի մամուլի խոսնակ Արև Աբելյանը hraparak.am-ին փոխանցեց, որ այս պահին դեռ վիրահատությունը ընթանում է, բժշկական ողջ անձնակազմն է ներգրավված, անում են ամենը, որպեսզի երիտասարդ տղայի կյանքը փրկեն:
Առուշանյանի հորեղբոր որդու կինը` Նաիրան ասաց, որ դեպքի մասին իմացել են մամուլից. «Մենք էլ չգիտենք, ճիշտն ասած, այս պահին էլ հյուր ենք։ Մենք էլ ենք նոր իմացել, ամուսինս էլ է այդ հարցերով, ոչինչ չգիտենք։ Դեռ չգիտենք` ոնց, երբ, ինչու»։ Համայնքապետարանի հաշվապահ Վարդգեսն էլ ասաց` տեղեկություն չունեն դեպքի մասին։
Հիշեցնենք՝ լրատվամիջոցներում շրջանառվող տեղեկությունների համաձայն՝ սպանվել է Գորիսի համայնքապետ Առուշ Առուշանյանի վարորդը և ևս մեկ երիտասարդ: Մեկն էլ վիրավոր է՝ հիվանդանոցում։
Բաց մի թողեք
Զինված միջադեպ Գորիսում. նռնակի պայթյունի հետևանքով սպանվել են Առուշանյանի վարորդն ու ևս մեկ երիտասարդ
Հայաստանում Տելեգրամով կեղծ օղի են վաճառել ու բռնվել
Արտաշատ խոշորացված համայնքին կվերադարձվի Հովիկ Աբրահամյանի՝ Մխչյան գյուղի հողամասը