Ընդդիմադիր քաղաքական գործիչ Ալեքսեյ Նավալնիին հուղարկավորել են Մոսկվայի Բորիսովյան գերեզմանատանը, հայտնել է Նավալնիի թիմակից Իվան Ժդանովը։
Քաղաքական գործչի հոգեհանգստի արարողությունը տեղի է ունեցել այսօր Մարյինո թաղամասում գտնվող Աստվածածնի սրբապատկերի եկեղեցում։
Ընդդիմության առաջնորդի այրին՝ Յուլիա Նավալնայան խոսք է հրապարակել, որում շնորհակալություն է հայտնել Նավալնիին «26 տարվա բացարձակ երջանկության համար»:
Նավալնիի հուղարկավորության արարողությունը տևել է 20 րոպեից էլ քիչ։
Եկեղեցի մտնել թույլատրվել է միայն հարազատներին ու ընկերներին։ Հուղարկավորության արարողությունից հետո քաղաքական գործչի դիակով դագաղը դուրս է բերվել եկեղեցուց և կտեղափոխվի գերեզմանատուն։
Եկեղեցու տարածքը շրջապատված է եղել մետաղյա պարիսպներով։ Նավալնիին հրաժեշտ տալ ցանկացողների շարանը ձգվել է ավելի քան մեկ կիլոմետր
Իշխանությունները Նավալնիի դին մորը՝ Լյուդմիլա Նավալնայային են հանձնել միայն փետրվարի 24-ին։ Ալեքսեյ Նավալնին մահացել է փետրվարի 16-ին Յամալ-Նենեցյան ինքնավար մարզի Խարպ գյուղի մոտ գտնվող հատուկ ռեժիմի «Բևեռային գայլ» բանտում: Իրավապահները պնդում են, թե Նավալնին մահացել է բնական մահով՝ թրոմբի անջատման հետևանքով: Մահվանից օրեր առաջ Նավալնիին 27-րդ անգամ ուղարկել էին պատժախուց: Նավալնիի աջակիցները համոզված են, որ ընդդիմության լիդերին կա՛մ սպանել են, կա՛մ միտումնավոր հասցրել են մահվան:
Բաց մի թողեք
Արտառոց դեպք Երևանում․ համբուրվող զույգին մոտեցածները ներկայացել են որպես ոստիկան ու պահանջել 50 հազար դրամ
ԵԽ արդարադատության նախարարները Ուկրաինային առնչվող հռչակագիր են ընդունել. Հայաստանը չի միացել
Խարդախությամբ գումար են հափշտակում․ ՆԳՆ ոստիկանությունը զգուշացնում է