Ուզում եմ երախտագիտություն հայտնել Պետական անվտանգության ծառայությանը և նրա հակահետախուզական դեպարտամենտի աշխատակիցներին՝ վերջին օրերին իրականացրած հակահետախուզական գործողության համար։
Այդ մասին հունիսի 1-ին հրավիրած մամուլի ասուլիսում հայտարարել է Վրաստանի փոխվարչապետ- իրավապահ մարմինների գործունեությունը համակարգող պետական նախարար Մամուկա Մդինարաձեն։
Նրա խոսքերով, նման գործողության իրականացումը, երբ «բացահայտվում է իրական լրտեսական ցանց և ձերբակալվում են կոնկրետ մասնակիցներ, դասվում է այնպիսի օպերատիվ և քննչական միջոցառումների շարքին, որ հաճախ բարդ դժվարություն են ներկայացնում ավելի մեծ և ուժեղ պետությունների համար»։
Ավելի վաղ վրացական մամուլը հայտնել է երկու ՀԿ ղեկավարի ձերբակալության մասին։ Նրանցից մեկը՝ Գուլբաաթ Ռցխելիձեն ձերբակալությունից երկու առաջ սոցցանցային գրառում է կատարել, որ այլ ՀԿ-երի հետ «կազմում են Վրաստանում հակառուսաստանյան քարոզչություն իրականացնող անձանց ցուցակը»։
Ենթադրվում է, որ նա ձերբակալվել է Ռուսաստանի հատուկ ծառայությունների հետ համագործակցության և նրանց Վրաստանի անվտանգությանը վերաբերող տեղեկություն փոխանցելու համար։ Վրաստանի փոխվարչապետ Մդինարաձեն բացահայտել է, որ ձերբակալված երկրորդ անձը՝ Իրակլի Չիխլաձեն, կապված է Ռցխելաձեի հետ։
Ըստ Մդինարաձեի, Չիխլաձեն «հանդիսացել է լրտեսական ցանցի ղեկավարը՝ դրամական միջոցները և հանձնարարությունները բաշխելով մասնակիցների միջև»։ Խոսքն, այսպիսով, ոչ թե երկու անձի անահատական գործունեության, այլ Վրաստանում ստեղծված լրտեսական ցանցի մասին է։
Չափազանց արտառոց է, որ, ինչպես Մդինարաձեն է ասել, «Պետական անվտանգության ծառայությունը ձերբակալել է միայն այն անձանց, ովքեր, չնայած արված նախազգուշացումներին, իրենց գործունեությունը չեն դադարեցրել»։
Կարելի է ենթադրել, որ Վրաստանի հատուկ ծառայությունները փորձել են կանխել լրտեսական գործունեությունը, որպեսզի բացահայտումը քաղաքական հնչեղություն չստանա և չբարդացնի ռուս-վրացական հարաբերությունները, բայց երբ համոզվել են, որ գործ ունեն ցանցային համակարգի հետ, դիմել են կոնկրետ քայլերի։
Վրաստանի փոխվարչապետ-պետական նախարար Մդինարաձեի մակարդակով արված բացահայտումները վկայում են, որ «Վրացական երազանքը» հարկադրված է Ռուսաստանին «նախազգուշական ազդակ» հղել։
Ուշագրավ է, որ Վրաստանի Պետական անվտանգության ծառայության կողմից Ռուսաստանի «լրտեսական ցանցի բացահայտումը» հաջորդել է ԱՄՆ պետական դեպարտամենտի ներկայացուցիչների Թբիլիսի այցին, որի ընթացքում նրանք բանակցություններ են վարել փոխվարչապետ-արտաքին գործերի նախարար Բոճորիշվիլիի հետ։
Երկու «ռուսաստանյան լրտեսի» ձերբակալումը, ապա «պետական դավաճանության» մեղադրանքով կալանավորումը, հավանական է, Վրաստանի կառավարության կողմից Եվրամիությանը արված «կանխավճար» է։
Բաց մի թողեք
«Իմ պատկերացմամբ՝ ինքը թվաբանությունից շատ հեռու է ու չի տիրապետում՝ գյուղարտադրանքի ինչ ծավալի արտահանումներ են գնում Ռուսաստան»
Քննչական կոմիտե, գոնե իրավունքի տարրական կանոնները պահպանեք
«Պատերազմող տղա էիր, գոնե 5 օր դա անեիր»