Թբիլիսիում գլխավոր տոնածառի լույսերը վառվել են առանց տոնակատարության:
«Այս անգամ միացվելու են մայրաքաղաքի գլխավոր տոնածառի և քաղաքի մնացյալ տոնական լույսերը՝ առանց որևէ միջոցառման։ Ամանորը բոլորի սիրելի պետական տոնն է, և ոչ ոքի թույլ չի տրվի խլել ուրախության ու երջանկության զգացումը մեր երեխաներից ու համաքաղաքացիներից։ Թբիլիսին լինելու է Ամանորի ամենագեղեցիկ քաղաքը»,- ավելի վաղ հայտարարել էր Կալաձեն։
Խորհրդարանի շենքի մոտ, որտեղ տեղադրված է տոնածառը, բողոքի ցույց է ընթացել: Տոնածառի վրա հայտնվել է պաստառ՝ «Վրաստանն ազատ և անկախ է» գրառմամբ։
Թբիլիսիում խորհրդարանի շենքի մոտ Վրաստանի գլխավոր տոնածառը պետք է վառվեր շաբաթ օրը՝ դեկտեմբերի 14-ին, ժամը 19:00-ին։ Թբիլիսիի քաղաքապետ Կախա Կալաձեն հայտարարել էր, սակայն, որ ընդդիմության հանրահավաքի պատճառով չեղարկել է խորհրդարանի դիմաց տեղադրված գլխավոր տոնածառի վառման արարողությունը և հետաձգել տոնական միջոցառումը։
Բաց մի թողեք
Թուրքական երկնքում լիբիական ինքնաթիռը «արտաքին միջամտությա՞մբ» է խորտակվել
Իվանիշվիլին ազատվում է Միխայիլ Սահակաշվիլու «մռայլ ժամանակների ժառանգությունից»
Սիրիայում «կայունությունը Թուրքիայի կայունությունն է», ցանկանում են խախտել տարեսկզբին