2026 թվականին Հայաստանի Կենտրոնական ընտրական հանձնաժողովի (ԿԸՀ) ծախսերը զգալիորեն կավելանան։
Այս մասին հոկտեմբերի 29-ին Ազգային ժողովի մշտական հանձնաժողովների համատեղ նիստի ժամանակ հայտարարել է ֆինանսների նախարար Վահե Հովհաննիսյանը՝ քննարկելով 2026 թվականի պետական բյուջեի նախագիծը։
ԿԸՀ-ի համար 2026 թվականին նախատեսված գումարը կկազմի 7 միլիարդ 513 միլիոն դրամ, որը 7 միլիարդ 20 միլիոն դրամով ավելի է, քան 2025 թվականին։ Նախարարի խոսքով, ծախսերի այս ավելացումը կապված է հաջորդ տարի սպասվող հերթական խորհրդարանական ընտրությունների կազմակերպման հետ։
Միաժամանակ, Կոռուպցիայի կանխարգելման հանձնաժողովին առաջարկվում է հատկացնել 405 միլիոն դրամ, որը 15 միլիոն դրամով պակաս է նախորդ տարվա համեմատ։
Ֆինանսների նախարարի խոսքով, Սահմանադրական դատարքը, որպես ամենակարևոր մարմին, 2026 թվականին կստանա 912 միլիոն դրամ, ինչը 41 միլիոն դրամով ավել է 2025 թվականի ցուցանիշից։
Բաց մի թողեք
ՀԷՑ-ում պարգևավճարների համար հատկացվել է 305.6 մլն դրամ
Իսկ գիտե՞ք, որ Հայաստանը տարիներ շարունակ նավթամթերք է ներկրում Թուրքիայից՝ Վրաստանի տարածքով
Մորուքավոր նվեր տվողի ճանապարհորդությունը․ Համաշխարհային շուկաները տարին փակում են զգուշավոր նոտայով