Ադրբեջանցիները ռազմական հարցում զգայուն են, նրանց անհանգստացնում է ՌԴ ԶՈՒ շարժը․ Հովհաննիսյան

Ըստ հաստատված տեղեկատվության՝ Բաքվի նախաձեռնությամբ հեռախոսազրույց է տեղի ունեցել ՌԴ պաշտպանության նախարար Շոյգույի և Ադրբեջանի ռազմական գերատեսչության ղեկավար Հասանովի միջև։

Այս մասին «Ֆեյսբուք»-ի իր էջում հայտնել է ռազմական փորձագետ Կարեն Հովհաննիսյանը։

«Եթե դիվանագիտական լեզվից թարգմանենք պաշտոնական հաղորդագրությունը, ապա Հասանովը պարզաբանման ակնկալիքով է զանգել, որպեսզի հասկանա, թե ՌԴ-ն ինչ շարժ է իրականացնում ՌԴ ԶՈՒ-ում, ինչին ի պատասխան՝ Շոյգուն ասել է, որ հանկարծակի ստուգումներ են։

Սա խոսում է նրա մասին, թե որքան զգայուն են ադրբեջանցիները ռազմական հարցում, թե որքան է նրանց անհանգստացնում այն, ինչը տեղի է ունենում իրենց վերահսկողությունից դուրս՝ ռազմական ոլորտում»։