Եգիպտոսում Ադրբեջանի արտաքին գործերի նախարարի հետ հանդիպման ժամանակ հնարավորություն ենք ունեցել քննարկելու կարգավորման գործընթացի լայն շրջանակը, հատկապես կենտրոնանալով հումանիտար հարցերի վրա։
Վերին նշված հանդիպման ժամանակ անդրադարձ է կատարվել նաև վաշինգտոնյան համաձայնագրերին։ Նշվել է, որ կողմերը հասել են պայմանավորվածության՝ ապաշրջափակել իրար միջև տրանսպորտային և հաղորդակցության բոլոր ենթակառուցվածքները։
«Հայաստանի հարավով անցնող երկաթուղու այն հատվածը կկոչվի TRIPP։ Ապաշրջափակումը այս հատվածում և ընդհանրապես իրականացվելու է որոշակի սկզբունքների շրջանակում, որոնք ներառում են՝ տարածքային ամբողջականություն, սահմանների անձեռնուխելիություն, ինքնիշխանություն, երկրների իրավազորություն ենթակառուցվածքի նկատմամբ և փոխադարձություն»,– հայտարարել է նախարարն ու ընդգծել, որ այս կանոնները վերաբերում են ամբողջ ապաշրջափակման գործընթացին։
Նախարարի խոսքով՝ Հայաստանի երկաթուղու TRIPP հատվածի տեխնիկական լուծումները պետք է հստակեցվեն Հայաստանի և ԱՄՆ-ի կողմից։ Նա հավելել է, որ օգոստոսից ի վեր երկու կողմերն արդեն ակտիվորեն աշխատում են այս ուղղությամբ։ Վերջնական լուծումների հաստատումից հետո նախատեսվում է հայ-ամերիկյան համատեղ ընկերություն, որը կզբաղվի այս հատվածի կառուցապատմամբ և հետագա շահագործմամբ․ «Այս պահի դրությամբ հրապարակված համաձայնագրերն են հաստատված, մնացած մանրամասները դեռ պետք է հստակեցվեն և հանրայնացվեն»։
Բաց մի թողեք
Հեղինակը, հուսանք, զերծ կմնա կեղծ թեզերի տարածումից, հանրային գրառմամբ կհերքի իր թյուրիմացությունը․ ԱԳՆ
Մենք հրավիրում ենք Թուրքիային դառնալու գործընկեր. Ալեն Սիմոնյանի ելույթը Թուրքիայում
Մեծ ավտոերթով նշում ենք Հյուսիս-հարավի Աշտարակ-Գյումրի հատվածի բացումը. վարչապետը հայտնել է՝ ինչ է սպասվում