Օղակաձև զբոսայգու 4-րդ հատվածի ներդրումային առաջարկի Կառավարության որոշման նախագիծը պատրաստ է և մեկ շաբաթում այն կդրվի շրջանառության։
Այս մասին այսօր նշվեց Երևանի քաղաքապետարանի գործակարգավարական նիստում։
Երևանի քաղաքապետ Տիգրան Ավինյանը նկատեց՝ ժամկետների մասով ձգձգումներ կան և հանձնարարել հարցը հնարավորինս արագ կարգավորել. «Ուզում եմ վստահեցնել՝ այգիների հիմնանորոգման ծրագրերն իրականացվում են միմիայն երևանցիների շահերից ելնելով»։
Նրա խոսքով՝ այս այգին կրկին ստանում է այգու և հանրային տարածքի տեսք, և անդրադարձավ այս նախագծի հետ կապված խոսակցություններին․ «Եթե վերադառնանք խոսակցությանը, թե խեղճ մարդկանց տնակներ ենք քանդում, այստեղ՝ այս հատվածում խեղճ մարդ չկա։ Այս օբյեկտները տասնամյակներով շահագործվել են տարատեսակ ձևերով, և կարծում եմ՝ անցել են այգիներին այդպես վերաբերվելու ժամանակները։ Այգիները պետք է վերադարձվեն քաղաքին, երևանցիներին և երևանցիների համար պետք է դառնան հասանելի»։
Երևանում ՏԻՄ օրենքում ոչ թե փոփոխություններ են տեղի ունենում, այլ նոր օրենք է առաջարկվում:
Այս մասին Երևանի քաղաքապետարի գործակարգավարակն նիստի ժամանակ ասաց Երևանի քաղաքապետ Տիգրան Ավինյանը:
«Բավականին մեծ ծավալով անդրադարձ կա ոլորտներին և կա անդրադարձ նախորդ ժամանակաշրջանում հավաքագրված խնդիրներին և նաև լուծումներ կան:
Այս օրենքի ընդունումից հետո վստահաբար Երևանի ավագանին ունի շատ մեծ անելիք և կարծում եմ այստեղ նաև ժամանակն է, որ ավագանու ֆրակցիաների հետ խոսենք և քննարկենք հետագա ավագանու կողմից ընդունվելիք որոշումները և կարծում եմ պետք է հնարավորինս սեղմ ժամկետներում առաջ շարժվենք,- ասաց Ավինյանը:
Բաց մի թողեք
Հուլիսի 27-ի աստղագուշակ․ Դրական միտումների ազդեցությունը մեծ է
Հրանտ Թոխատյանը վերադարձել է Հայաստան․ Լուսանկար
ԶՊՄԿ-ն կրկին առաջինն է 1000 խոշոր հարկատուների ցուցակում. որքան գումար է կոմբինատը վճարել բյուջե