«Իշխանության ներկայացուցիչները, որոնք մերժում էին խնամի-ծանոթ-բարեկամ թեզը, տարեցտարի ավելի են արմատավորում իրենց մեջ այն՝ առավել սոսկալի դրսեւորումներով։
Այս անգամ շարքը համալրում է ՀՀ առողջապահության փոխնախարար Լենա Նանուշյանը: «Ժողովուրդ» օրաթերթին տեղեկություններ հասան, որ Լենա Նանուշյանը, օգտվելով իր պաշտոնի բերումով ընձեռնված հնարավորություններից, որդու առողջական վիճակի վերաբերյալ այնպիսի փաստաթղթեր է հավաքել, որ փոխնախարարի որդին ազատվել է զինծառայությունից։
«Ժողովուրդ» օրաթերթը փորձեց այս տեղեկությունները ճշտել հենց Նանուշյանից: Կապ հաստատեցինք փոխնախարար Նանուշյանի հետ, սակայն վերջինս, տեղեկանալով՝ ով է զանգահարողը, ասաց, որ դասի է Ամերիկյան համալսարանում, խնդրեց զանգահարել մի փոքր ուշ։
Փորձեցինք ավելի ուշ կապվել, Նանուշյանն այլեւս չպատասխանեց զանգերին։
Փորձեցինք առողջապահության նախարարի մամուլի քարտուղար Մարիամ Ծատրյանից ճշտել մեր ունեցած տեղեկությունները, որն էլ մեզ պատասխանեց հետեւյալը. «Ես վստահ եմ՝ գիտեք` բժշկական գաղտնիքի մասին սահմանումը, օրենքի կետը։ Ես իրավահարգ եմ։ Այս հարցը նախարարի կամ նախարարության գործառութային հարց չէ, չեմ կարող մեկնաբանել։ Բայց թե ունի առողջական խնդիր կամ չունի, ապա դա համարվում է բժշկական գաղտնիք»:
Այդպես էլ չկարողացանք մեր ունեցած տեղեկության վերաբերյալ հենց փոխնախարարից մեկնաբանություններ ստանալ: Այն, որ նա թաքնվեց լրագրողից, խիստ մտահոգիչ է եւ ամրացնում է այն միտքը, որ առողջապահութան փոխնախարարի որդին բանակից ազատվել է առողջության հիմքով, որի մանրամասները չենք հրապարակում՝ հարգելով մարդու անձնական տվյալների պահպանման անհրաժեշտությունը եւ բժշկական գաղտնիքը»:
Բաց մի թողեք
ՔՊ-ում անհանգիստ են, մանրամասներ փակ նիստից
Հարցեր իսկապես շատ կան, բայց դրանց հասցեատերն առաջին հերթին օրվա իշխանությունն է
Դեսպաններից ոմանք քծնել են Փաշինյանին