Ուկրաինական հակամարտությունը՝ նաև «Օսկար»-ի բեմում. Լուսանկարներ

Մարտի 10-ի լույս 11-ի գիշերը Լոս Անջելեսի  Dolby Theatre-ում 96-րդ անգամ կայացել է աշխարհի գլխավոր կինոմրցանակի՝ «Օսկար»-ի մրցանակաբաշխությունը։

Ուկրաինայի պատմության մեջ առաջին անգամ ուկրաինական ֆիլմը Օսկար է ստացել։ https://www.JazzBlues.EU

«20 օր Մարիուպոլում» ուկրաինական ֆիլմն արժանացել է «Օսկար»-ի «Լավագույն վավերագրական լիամետրաժ ֆիլմ» անվանակարգի մրցանակին: Սա Ուկրաինայի պատմության մեջ առաջին Օսկարն է։

^{Մստիսլավ Չեռնովը և «20 օր Մարիուպոլում»  ֆիլմի թիմը}

Ամերիկյան ակադեմիայի գլխավոր բեմից հայտարարեցին, որ Ռուսաստանը հարձակվել է ուկրաինական քաղաքների վրա, սպանել  տասնյակ հազարավոր ուկրաինացիների, գերի է պահել Ուկրաինայի քաղաքացիներին։ Այս մասին բեմից ասել է ուկրաինացի ռեժիսոր Մստիսլավ Չեռնովը։ Հանդիսատեսը հոտնկայս և բուռն ծափահարություններ է տվել ուկրաինական ֆիլմի թիմին։

2024 թվականի «Օսկար»-ի հաղթող է ճանաչվել ատոմային ռումբի հայտնագործողի՝ Ռոբերտ Օփենհայմերի մասին պատմական դրաման՝ Քրիստոֆեր Նոլանի «Օփենհայմերը»։ Ֆիլմը ստացել է միաժամանակ 7 մրցանակ։

Դրանք են՝ լավագույն ռեժիսոր, լավագույն դերասան, երկրորդ պլանի լավագույն դերասան, լավագույն օրիգինալ երաժշտություն, լավագույն մոնտաժ, լավագույն օպերատորական աշխատանք և գլխավոր մրցանակը՝ լավագույն ֆիլմ։ Հատկանշական է, որ այն 2023 թվականի երրորդ ամենաբարձր եկամուտ ունեցող ֆիլմն է աշխարհում՝ հավաքելով 951 միլիոն դոլար։

«Օփենհայմեր»-ի ամենամոտ մրցակիցը «Խեղճ թշվառները» ֆանտաստիկ ֆիլմն է, որի ռեժիսորն է Յորգոս Լանտիմոսը, որն արժանացել է 4 մրցանակի։

^{Էմմա Սթոունը և«Օսկար»-ը՝ «Խեղճ թշվառները» ֆիլմում գլխավոր դերի համար}

^{Լավագույն ռեժիսոր՝ Քրիստոֆեր Նոլան, «Օփենհայմեր»}

Նշենք՝  ներկայիս «Օսկար»-ի ֆավորիտներն էին Քրիստոֆեր Նոլանի «Օփենհայմեր» ֆիլմը՝ 13 անվանակարգով, Յորգոս Լանտիմոսի «Խեղճ թշվառները» ֆանտաստիկ ֆիլմը՝ 11 անվանակարգում, Մարտին Սկորսեզեի «Ծաղկի լուսնի մարդասպանները» քրեական դրաման՝ 10 անվանակարգում և  Գրետա Գերվիգի «Բարբի» կատակերգությունը:

Հաղթողների ամբողջական ցանկը ներկայացնում ենք ստորև.

• Լավագույն ֆիլմ ՝ «Օփենհայմեր»

• Լավագույն ռեժիսոր՝  Քրիստոֆեր Նոլան «Օփենհայմեր»

• Լավագույն դերասան՝  Կիլիան Մերֆի – «Օփենհայմեր»

• Լավագույն դերասանուհի՝  Էմմա Սթոուն – «Դժբախտը»

• Երկրորդ պլանի լավագույն դերասան՝  Ռոբերտ Դաունի կրտսեր «Օփենհայմեր»

• Երկրորդ պլանի լավագույն դերասանուհի՝ Դավան Ջոյ Ռենդոլֆ – «Մնացորդները»

• Լավագույն օրիգինալ սցենար՝ Ջասթին Տրիե, Արթուր Արարի – «Անկման անատոմիա»

• Լավագույն ադապտացված սցենար՝ Քորդ Ջեֆերսոն – «Ամերիկյան գեղարվեստական գրականություն»

• Լավագույն միջազգային ֆիլմ՝ «Հետաքրքրությունների տարածք» – Մեծ Բրիտանիա

• Լավագույն անիմացիոն ֆիլմ՝ «Տղան և թռչունը»

• Լավագույն օրիգինալ սաունդթրեք՝  Լյուդվիգ Գորանսոն – «Օփենհայմեր»

• Լավագույն երգ՝  «Ինչի համար էի ես ստեղծված» – «Բարբի»

• Լավագույն օպերատորական աշխատանք՝ Հոյտե Վան Հոյտեմա – «Օփենհայմեր»

• Լավագույն մոնտաժ՝ «Օփենհայմեր»

• Լավագույն գեղարվեստական ուղղություն՝ «Խեղճ թշվառները»

• Կոստյումների լավագույն ձևավորում՝ «Խեղճ թշվառները»

• Լավագույն տեսողական էֆեկտներ՝  «Godzilla: Minus One»

• Լավագույն ձայնը՝  «Հետաքրքրությունների գոտի»

• Լավագույն դիմահարդարում և սանրվածքներ՝ «Խեղճ թշվառները»

• Լավագույն վավերագրական ֆիլմ՝ «20 օր Մարիուպոլում»

• Լավագույն կարճամետրաժ գեղարվեստական ֆիլմ՝  «Հենրի Շաքարի հրաշալի պատմությունը» – ռեժ. Ուես Անդերսոն

• Լավագույն կարճամետրաժ անիմացիոն ֆիլմ՝  «Պատերազմն ավարտվեց. Ոգեշնչված Ջոնի և Յոկոյի երաժշտությամբ»

• Լավագույն կարճամետրաժ վավերագրական ֆիլմ՝ «Վերջին վերանորոգման խանութը»