Ուկրաինայի նախագահ Վլադիմիր Զելենսկին հայտարարել է, որ Ալեքսանդր Լուկաշենկոն պատասխանատվության կենթարկվի լայնածավալ պատերազմի սկզբում ռուսական զորքերին Բելառուսի տարածքից առաջխաղացման թույլտվության համար։
«Նա այժմ շատ խոսուն է դարձել լրատվամիջոցներում՝ ցուցադրելով, թե որքան «բարի» է մեր ժողովրդի հանդեպ։ Մեզ պետք չէ նրա «բարությունը»՝ առավոտյան ժամը չորսին հրթիռներով։ Եթե նա կարծում է, որ իր խոսքերը կանդրադառնան մեր հիշողության վրա, մենք ամեն ինչ հիանալի հիշում ենք», – ասել է Զելենսկին։
Նա ընդգծել է, որ Լուկաշենկոն դեռ պատասխանատվության կենթարկվի իր գործողությունների համար. «Նա թույլ տվեց հարձակում իր տարածքից, և պատերազմը սկսվեց այնտեղից։ Ոչ ոք դա չի մոռանա»։
Զելենսկին նաև դեմ է արտահայտվել Բելառուսի մասնակցությամբ ցանկացած խաղաղ բանակցությունների։
Ավելի վաղ՝ նոյեմբերի 6-ին, Լուկաշենկոն համակրանք էր հայտնել ուկրաինացիների նկատմամբ և հրավիրել նրանց այցելել Բելառուս։
Բաց մի թողեք
Իրանի դեմ ցանկացած ագրեuիա, այդ թվում՝ մեր ենթակառուցվածքների դեմ, կստիպի հասցնել hզnր և որոշիչ պատասխան․ Արաղչի
Իրանը հրապարակել է ԱՄՆ-ի ավիաբազաների վրա հրթիռային և ԱԹՍ-ների արձակման կադրերը
Ամեն անգամ, երբ Իրանը կրակ կբացի Հորմուզում որևէ նավի վրա, ԱՄՆ-ն կռմբակոծի և կոչնչացնի մեկ կամուրջ կամ էլեկտրակայան․ Թրամփ