22/07/2024

Թբիլիսիի բազմաբնակարան շենքում հզոր պայթյուն է տեղի ունեցել. բնակիչները տարհանվել են. Լուսանկար

Թբիլիսիի Սամտրեդիա փողոցի բազմաբնակարան շենքում հզոր պայթյուն է տեղի ունեցել, հայտնում է Ռուսթավի 2 հեռուստաալիքը։

Պայթյունը տեղի է ունեցել առաջին հարկի հանդիսությունների սրահում։ Այն վերջերս է վերանորոգվել էր և չէր աշխատում։ Նախնական տվյալներով՝ պատճառը գազի արտահոսքն է եղել։

Պայթյունն այնքան ուժեղ է եղել, որ ալիքը կոտրել է հարևան բնակարանների ապակիները։

Բնակիչները տարհանվել են։ Իշխանությունները 53 մարդու են տեղավորել հյուրանոցներում, հայտնել են Դիդուբ շրջանի վարչակազմից։ Նշվում է, որ այս հասցեում ապրում է 93 ընտանիք։

Թբիլիսիի բազմաբնակարան շենքում հզոր պայթյուն է տեղի ունեցել. բնակիչները տարհանվել են