18/04/2024

Արարատում «ՊԱԶ»-ը դուրս է եկել հանդիպակաց, բախվել ավտոբուսին. բժիշկները պայքարում են վարորդի կյանքի համար. Լուսանկար

Այսօր արտակարգ դեպք է տեղի ունեցել Արարատի մարզում։

Ժամը 12:30-ի սահմաններում «ՊԱԶ» մակնիշի ավտոբուսը Արտաշատ գյուղի վարչական տարածքում դուրս է եկել հանդիպակաց երթևեկելի գոտի և բախվել FAV մակնիշի ավտոբուսին։

Վթարի հետևանքով «ՊԱԶ»-ի վարորդը, ում առաջինն օգնության են հասել քաղաքացիները և օպերատիվորեն ժամանած Արտաշատ բժշկական կենտրոնի շտապօգնության բժիշկների հերթապահ խումբը, ծայրահեղ ծանր ախտորոշմամբ տեղափոխվել է նախ «Արտաշատ» բժշկական կենտրոն, ապա Երևանի հիվանդանոցներից մեկը։

Վթարի փաստով Արարատի մարզային քննչական վարչությունում նախաձեռնել է քրեական վարույթ։

Ֆոտոլրագրողը հայտնում է, որ FAV ավտոբուսը սպասարկում է Նորաշեն-Երևան թիվ 462 երթուղին:

«ՊԱԶ»-ում վարորդը եղել է միայնակ, իսկ FAV-ում եղել են ուղևորներ։

Ոստիկանությունն ու քննչական բաժինը պարզում են վարորդների ու վիրավորի ինքնությունը։

Արարատում «ՊԱԶ»-ը դուրս է եկել հանդիպակաց, բախվել ավտոբուսին. բժիշկները պայքարում են վարորդի կյանքի համար