ԱՄՆ նախագահի թեկնածու, նախկին նախագահ Դոնալդ Թրամփը հայտարարել է, որ եթե չհաղթի ընտրություններում, երկրում կարող է արյուն հեղվել։ Բացի այդ, Թրամփը հավելել է, որ եթեպարտվի, ԱՄՆ-ի հաջորդ նախագահական ընտրությունները կարող են այլևս երբեք չլինել։
Դոնալդ Թրամփը ելույթ է ունեցել և այս մասին հայտարարել Օհայոյում, որտեղ կրկին խիստ քննադատել է Բայդենին, նշել հետևանքները, եթե նա երկրորդ անգամ դառնա Միացյալ Նահանգների նախագահ։
«Եթե ես չընտրվեմ, դա կլինի արյունահեղություն… Արյունահոսություն կլինի ամբողջ երկրի համար, եթե ես չհաղթեմ այս ընտրություններում, վստահ չեմ, որ դուք երբևէ այլ ընտրություններ կունենաք այս երկրում», – ասել է Թրամփը։
Բայդենի նախընտրական շտաբի խոսնակ Ջեյմս Սինգերը պատասխանել է Թրամփի հայտարարություններին: Սինգերի խոսքով՝ Թրամփը ցանկանում է հունվարի 6-ի կրկնություն, երբ իր պարտությունից հետո հարձակում է տեղի ունեցել Կապիտոլիումի վրա։ Սինգերը նշում է, որ Թրամփին առաջնորդում է վրեժխնդրության և բռնության ցանկությունը։ Ինքը՝ Ջո Բայդենը, խոսելով իր ընտրողների հետ, նույնպես քննադատել է Թրամփին։ Այս անգամ ԱՄՆ գործող նախագահը կատակել է հանրապետական առաջնորդի հետ.
«Մի թեկնածուն չափազանց ծեր է և մտավոր ունակություններով ոչ պիտանի նախագահ լինելու համար, մյուսը ես եմ»,- ասել է Բայդենը։
ԱՄՆ ընտրությունները տեղի կունենան նոյեմբերի 5-ին: Հաջորդ նախագահի հիմնական թեկնածուներն են 81-ամյա Ջո Բայդենը և 77-ամյա Դոնալդ Թրամփը։
Բաց մի թողեք
Իրանը կհայտարարի միջուկային ռումբի տնօրինման մասին, ըստ այդմ՝ պատասխանել է Իսրայելին
Կիսում ենք ԵԱՀԿ առաքելությունների մտահոգությունները․ Միլլերը՝ Ադրբեջանի խորհրդարանական ընտրությունների արդյունքի մասին
Վրաստանի եվրոպական հեռանկարի վերջը կգա. Կոբախիձե