Ազգային ժողովում քննարկվում է օրենսդրական առաջարկ, որով նախատեսվում է տուգանքներ սահմանել Երևանի հանրային տրանսպորտում ուղևորավարձը չվճարող քաղաքացիների նկատմամբ։
Քննարկման ժամանակ ընդդիմադիր պատգամավոր Թադևոս Ավետիսյանը հետաքրքրվել է, թե ինչու է քաղաքացին դիտարկվում որպես տուգանքի ենթակա անձ և ինչ չափով է նախատեսվում տուգանքը։
Ի պատասխան Տարածքային կառավարման և ենթակառուցվածքների նախարարի տեղակալ Արմեն Սիմոնյանը պարզաբանել է, որ չվճարման կամ ուրիշի արտոնյալ քարտից օգտվելու դեպքում քաղաքացիները կտուգանվեն։ Մասնավորապես, եթե ուղևորը չվավերացնի իր ուղևորությունը կամ օգտվի արտոնյալ կարգավիճակ ունեցող այլ անձի քարտից, նախատեսվում է 15 հազար դրամի տուգանք։
Այս օրենսդրական փաթեթը նպատակ ունի կարգավորել և վերահսկել հասարակական տրանսպորտի վճարային համակարգը՝ խթանելով քաղաքացիների կողմից կանոնների պահպանումը։
Բաց մի թողեք
Բերման ենթարկվածներից 6–ի նկատմամբ կիրառվել է տնային կալանք, մեկն ազատ է արձակվել. Մելոյան
Տիգրան Մկրտչյանը փոխվարչապետ Խաձիդակիսին առաջարկել է կազմակերպել հունական բիզնես պատվիրակության այց Հայաստան․ Լուսանկար
«Կենտրոն» հեռուստաընկերության նկատմամբ կիրառվել է գրավոր նախազգուշացում. ՀՌՀ