19/07/2024

Ֆրանսիայի ՊՆ-ն հերքել է Նարիշկինի հայտարարությունը

Ֆրանսիայի պաշտպանության նախարարությունը հերքել է Ուկրաինայում ֆրանսիացի զինվորականների ներկայության և այնտեղ լրացուցիչ ռազմական կոնտինգենտ ուղարկելու մասին՝ ՌԴ արտաքին հետախուզության ծառայության տնօրեն Սերգեյ Նարիշկինի հայտարարությունները:

«Ռուսաստանի արտաքին հետախուզական ծառայության տնօրեն Սերգեյ Նարիշկինի տարածած տեղեկատվությունը բացահայտում է համակարգված զանգվածային ապատեղեկատվությունը, որն օգտագործում է Ռուսաստանը»,- ասվում է գերատեսչության հաղորդագրության մեջ:

Մարտի 19-ին Նարիշկինը հայտարարել էր, որ Ֆրանսիան զորախում է պատրաստում՝ Ուկրաինա ուղարկելու համար։ Նրա խոսքով՝ առաջին փուլում մարտական գոտի կուղարկվի մոտ երկու հազար զինվորական։

«Ուկրաինայում իր զինվորական անձնակազմի կորուստների պատճառով Ֆրանսիայի ռազմական ղեկավարությունը վախենում է սպաների դժգոհությունից, արդեն խնդիրներ կան «կամավորներ» գտնելու հետ կապված»,- նշել էր նա։