20/04/2024

Կրակը մարելուց հետո այրված շինությունում տղամարդու դի է հայտնաբերվել

Մարտի 29-ին Տավուշի մարզում ողբերգական դեպք է տեղի ունեցել:

Ժամը 15։40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նոյեմբերյան խոշորացված համայնքի Զորական բնակավայրում շինություն է այրվում։

Մինչ հրշեջների ժամանումը՝ շինությունում առաջացած կրակի դեմ պայքարել են գյուղացիները, ապա հրշեջները մարել են այն, ինչից հետո այնտեղ հայտնաբերել են Տավուշի մարզի գյուղերից մեկի բնակիչ 54-ամյա Սուրեն Մ․-ի դին։

Դեպքի փաստով Նոյեմբերյանի քննչական բաժնում նախաձեռնվել է քրեական վարույթ։

Աղբյուրի տեղեկություններով՝ մահացածը նշված գյուղում զբաղվում էր անասնապահությամբ։