21/04/2024

Մախաչկալայում և Կասպիյսկում հակաահաբեկչական գործողության ռեժիմ է սահմանվել

Դաղստանի մայրաքաղաք Մախաչկալայում և Կասպիյսկ քաղաքում կիրակի վաղ առավոտյան սահմանվել է հակաահաբեկչական գործողության ռեժիմ:

Այս մասին հայտնում է Ռուսաստանի Դաշնության Անվտանգության դաշնային ծառայության օպերատիվ շտաբը։

Կասպիյսկում և Մախաչկալայի մի շարք շրջաններում մի շարք սահմանափակումներ են գործում տեղի բնակիչների համար։

Ազգային հակաահաբեկչական կոմիտեն հայտնել է, որ հատուկ ջոկատայինները Կասպիյսկի և Մախաչկալայի մի քանի բնակարաններում արգելափակել են ենթադրյալ ահաբեկիչներին։ Մոտակա տների բնակիչները տարհանվել են։