«Ամիսներ շարունակ Ադրբեջանը փորձում էր հետքայլ անել Ալմաթիի հռչակագրի հիման վրա միմյանց տարածքային ամբողջականությւոնը ճանաչելու և դրա հիմքով դելիմիտացիա և դեմարկացիա իրականացնելու վերաբերյալ պայմանավորվածությունից»:
Այս մասին այսօր՝ Ազգային ժողովի նիստի ժամանակ ասաց ԱԺ նախագահի տեղակալ Ռուբեն Ռուբինյանը և շարունակեց. «Ամիսներ անց՝ ապրիլին ստորագրվեց արձանագրություն, որով կողմերը վերահաստատեցին, որ դելիմիտացիայի հիմքը լինելու է Ալմաթիի հռչակագիրը. ի՞նչ է դա ենթադրում: Որ վերարտադրվելու են այն ադմինիստրատիվ սահմանները, որոնք գոյություն են ունեցել հայկական և ադրբեջանական ԽՍՀ-ների միջև Խորհրդային միության փլուզման պահին, այսիինքն 1991 թվականի դրությամբ:
Հարց տանք՝ ինչու՞ էր Ադրբեջանը փորձում սրանից խուսափել, պատասխանը հետևյալն է, որովհետև Ադրբեջանն ուզում էր, որպեսզի Հայաստան-Ադրբեջան սահման չլինի, կամ լինի լղոզված և գործի ուժեղի իրավունքը, այսինքն հետևյալ տրամաբանությունը՝ ում զորքը որտեղ կարող է կանգնել, այնտեղ էլ իր սահմաններն է»:
Ռուբինյանը նաև նկատեց, որ տարօրինակ զուգադիիպությամբ ընդդիմադիր արքեպիսկոպոսներից մեկը վերջերս ուզում էր, որ որդեգրենք նույն տրմաբանությունը:
«Ինձ համար տարօրինակ է, թե ինչո՞ւ է մեր խորհրդարանական ընդդիմությունը լծեվել այս տրամաբանության լեգիտիմացման վրա: Երբ ընդդիմությունը բերում է նախագիծ, որտեղ ասում է, որ պետք է սահմանազատման հիմք ընդունվի 1993 թվականի շփման գիծը, դա նշանակում է ասել, որ Հայաստանի և Ադրբեջանի միջև սահմանի հիմքը ոչ թե պետք է լինի իրավաբանական հիմնավորում ունեցող փաստաթղթերը և քարտեզները, այլ շփման գիծը, իսկ շփման գիծ ինքնին նշանակում է մի գիծ, որը ձևավորվել է ուժի արդյունքում՝ ով որտեղ կարողացել, կանգնել է: Այսինքն դուք լեգիտիմացնում եք ուժի իրավունքը, և երբ կսկսի գործել ուժը, ձեր դաշնակիցները իրենց իրավունքները չեն կատարելու, ու լինելու է ի՞նչ, այն ինչը բազմիցս եղել է»,- ասաց Ռուբինյանը և հավելեց՝ Հայաստան Ադրբեջան սահման կա, այն անհստակ չէ:
Բաց մի թողեք
Դեսպանը հերքել է Իրանի և Հայաստանի միջև ռազմական պայմանագրի մասին տեղեկությունը
Մասնագիտական խումբը որոշել է, որ համապատասխանում է ստանդարտներին. Ավանեսյանը՝ «Զարյա 3» նռնակների կիրառման մասին
Գեղարքունիքում սահմանազատման որևէ գործընթաց դեռ չկա. մարզպետ