Ուկրաինա արևմտյան զորքեր ուղարկելու դեպքում Ռուսաստանը կպատասխանի Վաշինգտոնին, Փարիզին և Լոնդոնին միջուկային հարվածով, սպառնացել է ՌԴ Անվտանգության խորհրդի փոխնախագահ Դմիտրի Մեդվեդևը։
«Իրենց զորքերն ուղարկելով Ուկրաինայի տարածք՝ կներքաշեն իրենց երկրները պատերազմի մեջ, որին մենք ստիպված կլինենք պատասխանել։ Եվ, ավաղ, ոչ Ուկրաինայի տարածքում։ …Կսկսվի համաշխարհային աղետ»,- գրել է Մեդվեդևը իր Telegram-ալիքում։
Նա նախազգուշացրել է, որ Ռուսաստանի պատասխանից արևմտյան էլիտաները չեն թաքնվի ոչ Կապիտոլիումի բլրում, ոչ Ելիսեյան պալատում և ոչ Դաունինգ-սթրիթ-10-ում: «Դա, ի դեպ, Քենեդին և Խրուշչովը կարողացել են հասկանալ ավելի քան 60 տարի առաջ: Բայց ներկայիս ինֆանտիլ դեբիլները, որոնք հասել են իշխանության Արևմուտքում, ոչ մի կերպ չեն ուզում հասկանալ»,- ընդգծել է Մեդվեդևը։ ՌԴ Անվտանգության խորհրդի փոխնախագահը նաև հիշեցրել է զորավարժություններին ՌԴ Գլխավոր շտաբի նախապատրաստման մասին, ներառյալ ոչ ռազմավարական միջուկային զենքի նախապատրաստման և կիրառման հարցերի գործնական մշակումները։
Բաց մի թողեք
Ալիևի անհավատալի արկածներն Իտալիայում՝ ոչ միայն որպես Ադրբեջանի նախագահ, այլև՝ ՌԴ նախագահի «լիազոր ներկայացուցիչ»
Մոսկվան Ադրբեջանի եւ Թուրքիայի հետ որեւէ «ոչ պակաս ընդգրկուն» պայմանավորվածությամբ չի հարվածի «թիկունքից»
«Դիմադրության» շարժման «սրբազան» շարունակությունը․ առաջիկա հավաքին իրական շահառուները դուրս կգա՞ն «փարդի հետևից»