Իրանի Թավրիզ քաղաքի Ջումա մզկիթի իմամ Սայեդ Մոհամմադ Ալի ալ-Հաշեմը, ով գտնվել է երկրի նախագահ Իբրահիմ Ռաիսիի կործանված ուղղաթիռում, աղետից հետո մեկ ժամ ողջ է եղել։
Այս մասին հայտնել է երկրի ճգնաժամային կառավարման ղեկավար Մոհամմադ Հասան Նամին։
«Միայն նրա մարմինն էր մյուս զոհերի համեմատությամբ ֆիզիկական նորմալ վիճակում։ Նա ամենաքիչն էր այրվել, ուստի ավիավթարից հետո ապրել է ևս մեկ ժամ, նույնիսկ հեռախոսով շփվել նախագահի աշխատակազմի ղեկավար Ղոլամ Հոսեյն Էսմայիլիի հետ»,- ասել է նա։
Մյուս զոհերի մարմիններն այրվել են։
Ինչպես հայտնել էինք, Իրանի նախագահ Էբրահիմ Ռաիսիին տեղափոխող ուղղաթիռը կոշտ վայրէջք էր կատարել Իրան-Ադրբեջան սահմանի մոտ։
Ուղղաթիռի բոլոր ուղևորներն ու անձնակազմի անդամները՝ թվով 9 մարդ, զոհվել են։
Օդանավում Իրանի նախագահի հետ են եղել արտաքին գործերի նախարար Հոսեյն Ամիր Աբդոլլահիանը, Արևելյան Ադրբեջանի նահանգի նահանգապետ Մալեք Ռահմատին և Թավրիզ քաղաքի ուրբաթօրյա իմամ Մոհամմադ Ալի Ալե Հաշեմըև այլ պաշտոնյաներ:
Բաց մի թողեք
Թող երկուսն էլ հայտարարեն իրենց հաղթանակի մասին, թող պատմությունը որոշի
Թուրքիան զինում է Սիրիային, ինչ է սպասվում քրդերին
Թրամփը «ծանր» հանդիպման ժամանակ մերժել է Զելենսկիին «Տոմահավկ» հրթիռների հարցով