Ուկրաինայի նախագահ Վլադիմիր Զելենսկին այն երկրի ղեկավարն է, որը «մեզ հետ պատերազմ է մղում», և հետևաբար նա օրինական թիրախ է Ռուսաստանի համար, ՏԱՍՍ-ին տված հարցազրույցում հայտարարել է ՌԴ նախկին նախագահ Դմիտրի Մեդվեդևը։
Նրա կարծիքով՝ Զելենսկին կորցնում է լեգիտիմությունը Ուկրաինայում նախագահական ընտրությունների ժամանակավոր չեղարկման պատճառով՝ համաձայն ռազմական դրության կանոնների, որը սահմանվել է Ուկրաինա Ռուսաստանի ներխուժումից հետո։ «Պատերազմ վարող երկրների ղեկավարները միշտ համարվում են իրավաչափ ռազմական թիրախներ։ Մեզ համար նա առանց այն էլ պատերազմական հանցագործ է, և նրա պաշտոնական կարգավիճակի կորուստը ոչինչ չի փոխում»,- կարծում է Մեդվեդևը։
Նրա կարծիքով՝ Ուկրաինայի նախագահին «պետք է բռնել և դատի տալ», իսկ դրա անհնարինության դեպքում «պետք է կիրառվեն ահաբեկիչների համար գործարկվող կանոնները»։
Մեդվեդևը կարծում է, որ եթե նույնիսկ Ռուսաստանը Զելենսկիին համարի ոչ լեգիտիմ նախագահ, դա չի խանգարի նրա հետ բանակցություններ վարել և ստորագրել «կապիտուլյացիայի ակտ»։
Բաց մի թողեք
Ալիևի անհավատալի արկածներն Իտալիայում՝ ոչ միայն որպես Ադրբեջանի նախագահ, այլև՝ ՌԴ նախագահի «լիազոր ներկայացուցիչ»
Մոսկվան Ադրբեջանի եւ Թուրքիայի հետ որեւէ «ոչ պակաս ընդգրկուն» պայմանավորվածությամբ չի հարվածի «թիկունքից»
«Դիմադրության» շարժման «սրբազան» շարունակությունը․ առաջիկա հավաքին իրական շահառուները դուրս կգա՞ն «փարդի հետևից»