23/07/2024

Բախվել է 3 մեքենա, կան տուժածներ․ վարորդներից մեկը զրկված է եղել վարելու իրավունքից և եղել է ոչ սթափ

Մայիսի 28-ին՝ ժամը 03։00-ի սահմաններում, Երևան-Արմավիր ավտոճանապարհի 24 կմ հատվածում բախվել են Կոտայքի մարզի բնակիչ 41-ամյա Հ. Գասպարյանի վարած «Մերսեդես» մակնիշի, Արմավիրի մարզի բնակիչներ 39-ամյա Ս. Գասպարյանի վարած «Միցուբիշի» մակնիշի և 23-ամյա Դ. Հարությունյանի վարած «Օպել» մակնիշի ավտոմեքենաները։

Վթարի հետևանքով 2 հոգի մարմնական վնասվածքներով տեղափոխվել է «Վաղարշապատ» բժշկական կենտրոն։ Բախման հետևանքով «Միցուբիշին» դուրս է եկել երթևեկելի գոտուց, բախվել բետոնե հենապատին ու հայտնվել դաշտում։

Վարորդները ենթարկվել են սթափության փորձաքննության. «Օպել»-ի վարորդը եղել է ոչ սթափ։ Ըստ նախնական տեղեկությունների՝ նա նաև զրկված է եղել ավտոմեքենա վարելու իրավունքից։