Մայիսի 25 և մայիսի 26-ին Լոռու և Տավուշի մարզերում առաջացած աղետի հետևանքով ամենամեծ վնասը հասցրել է Դեբետ գետը։
Այս մասին այսօր Կառավարության նիստի ընթացքում ներկայացնելով աղետի հետևանքով առաջացած վնասները՝ նշեց ՏԿԵ նախարար Գնել Սանոսյանը։
Նրա խոսքով՝ աղետի օրը գետում 6 անգամ ավելի ջուր է եղել, ինչի հետևանքով այն վարարել է։
«Փրկարար ծառայությունը մեծ ուժով ներգրավվել է 456 փրկարար ծառայողների, որոնք տարհանել են 443 մարդկանց, հիմա Սանահին Կայարան թաղամասում է, որ կա 143 անձ, որոնք գետի այլ ափում են, նրանց անհրաժեշտ պարագաները հասնում են պարանի միջոցով։ Կան հսկայական վնասված ենթակառուցվածքներ, 2 կմ է հասնում տարբեր հատվածնների վնասվածքները։ Երկու կմ հատվածից վնասված են ենթակայաններ, սյուններ, հարակից ենթակառուցվածքներ, բավական երկար ժամանակ կպահանջվի երկաթուղու վերականգնամ համար»,- ասաց նա։
Նախարարի խոսքով՝ կան 20 վնասված կամուրջներ, որոնք տարբեր նշանակության են։ Հատկապես Ախթալայի և Քարկոփի կամուրջների վնասվածքների պատճառով շուրջ 7 բնակավայրեր կապ չունեն Ալավերդի քաղաքի հետ, այնտեղի մատակարարումները իրականացվում են լեռնային անտառապատ հատվածի ճանապարհի միջոցով։ Ջրային հատվածներում կան լուրջ վնասվածքներ, ընդհանուր չափը դեռևս գնահատել հնարավոր չէ։
«Ամենամեծ վնասներ կրած գյուղը Քարկոփն է, որն ամբողջությամբ ջրածածկ է եղել, տարհանվել են գյուղի բոլոր բնակիչները։ Երեկ գյուղում աշխատել է 30, այսօր 100 փրկարար, գյուղը մեկուկես մետր և ավելի ջրածածկ է։ Ակտիվ աշխատանքների միջոցով հնարավոր է եղել մի շարք ճանապարհներ փրկել փլուզումից, դրանով ապահովելով երթևեկությունը»,- ընդգծեց նա։
Նախարարը կարևորեց, որ հիմա անհրաժեշտ է բոլոր գերատեսչությունների ներգրավվածությունը, կարիք կա մշակել աջակցության ծրագրեր, հասկանալ, թե փոխհատուցման ծրագրերը ինչպես պետք է իրականացնել։
Այս պահին օպերատիվ շտաբի լիազորությունները բավարա՞ր են իր առջև դրված խնդիրները լուծելու համար․ այս մասին այսօր Կառավարության նսիտի ընթացքում ՏԿե նախարար Գնել Սանոսյանից հետաքրքրվեց Նիկոլ Փաշինյանը։
Նախարարն էլ նկատեց, որ աղետի գոտում չեն բավարարվում միայն շտաբի կազմի աշխատանքով, քանի որ խնդիրները շատ են ու տարբեր բնույթի․ «Մի կողմից միջպետական ճանապարհի ու երկաթուղու մասին է խոսքը, մյուղ կողմից մոմը պետք է անցկացնել գետով այն կողմ, որովհետև հոսանք չկա։ Բազմաթիվ ջրածածկ գոմեր ունենք, ու հայտնի չէ, թե այնտեղ քանի կենդանի կար, քանիսին է ջուրը տարել, քանիսն են տիղմի մեջ, դա ի՞նչ սանիտարահիգենիկ հետևանքներ կարող է ունենալ։ Բոլոր գործընեկրները ակտիվ աշխատում են, կամավորներ, մարզային համայնքներ, փրկրարար ծառայությունը»։
Ըստ նախարարի՝ պետք է հաշվի առնել բոլոր հարցերն ու ակտիվ աշխատել տարբեր ուղղություններով։
Բաց մի թողեք
Հրապարակվել է Հայաստանի և Ադրբեջանի միջև սահմանազատման հանձնաժողովների համատեղ գործունեության կանոկակարգը
Հայաստանը ադրբեջանական կողմին է փոխանցել խաղաղության պայմանագրի 10-րդ փաթեթը. Կոստանյան
Շահագործման է հանձնվել զինվորական հերթական ճաշարանը․ Տեսանյութ