«Նախ խնդրում եմ դադարել մեզ սպառնալ, հերիք եղավ մեզ սպառնան, երկրորդը՝ հերիք եղավ ՀԱՊԿ-ի մասին խոսել, երբ որ ՀԱՊԿ-ի մասին խոսում են, թող ասեն՝ ՀԱՊԿ-ի սահմանը որտեղո՞վ է անցնում ու ի՞նչ պարտավորություններ ունեն թե՛ որպես ՀԱՊԿ գործընկեր, թե՛ որպես Հայաստան-Ռուսաստան պայմանագրի կողմ»։
Անդրադառնալով Մոսկվայից հնչած հերթական հայտարարությանը, որ եթե Հայաստանը անվտանգությանը վերաբերող զգայուն տեղեկատվությունը հասանելի դարձնի արևմտյան պետություններին, դա կարող է անդառնալի հարված հասցնել Ռուսաստանի հետ հարաբերություններին՝ այս մասին ասել է Ազգային ժողովի նախագահ Ալեն Սիմոնյանը՝ նշված հայտարարությունները որակելով աբսուրդ:
«Հերիք են մեր ինքնիշխան տարածքի հետ կապված նման հայտարարությունները: Հայաստանը որևէ երկրի հետ բանակցություն չի վարում, չի քննարկում որևէ ռազմաբազա տեղադրելու կամ ռազմավարական որևէ ալյանսի միանալու վերաբերյալ հարց: Ի՞նչ տեղեկություններ պետք է հասցնենք։ Աբսուրդ է։ Հերիք է մեզ հետ կապված նման հռետորաբանությամբ խոսել, հերիք է մեզ սպառնալ ուղիղ և անուղղակի»»,- ասել է խորհրդարանի ղեկավարը։
Ռուսաստանի ԱԳ փոխնախարար Միխայիլ Գալուզինը մասնավորապես զգուշացրել էր, թե «Հայաստանի չմտածված քայլերը, որոնք արևմտյան երկրների համար կապահովեն ազգային տվյալների բազաներ և երկրի անվտանգության համար զգայուն տեղեկությունների ամբողջական հասանելիություն, ոչ միայն սպառնում են պետության ինքնիշխանությանը, այլև կարող են օբյեկտիվորեն անհնար դարձնել Ռուսաստանի և ՀԱՊԿ-ում այլ դաշնակիցների հետ միասնական պաշտպանական տարածքի կառուցման համատեղ աշխատանքին վերադառնալը»:
«Ես ստեր չեմ մեկնաբանում, նա սուտ է խոսում»: Արձագանքելով ՌԴ ԱԳՆ պաշտոնական ներկայացուցիչ Մարիա Զախարովայի հայտարարությանը, ըստ որի՝ ՌԴ-ն հայ խորհրդարանականներին կոչ է անում ներկայացնել «Բուչայում իբր սպանվածների ցուցակը, որը նրանց է փոխանցել Կիևը, լրագրողների հետ զրույցում ասաց ԱԺ նախագահ Ալեն Սիմոնյանը:
Նրա պնդմամբ՝ Հայաստանից ոչ մի տեղ պատվիրակություն չի գնացել այդ ցուցակի առնչությամբ. «Բայց փոխարենը կարող եմ խնդրել՝ իմ լրատվականը կամ իմ օգնականը ՌԴ ԱԳՆ-ին կամ տիկին Զախարովային փոխանցի, օրինակ, ԼՂ-ում վերջին ռազմական գործողությունների ժամանակ 200-ից ավելի մահացած հայերի անունը։ Կարող եմ էն 100 000-ից ավելի փախստականների անունները փոխանցել, եթե իրենց հետաքրքիր է՝ այն տարածքում, որտեղ իրենք խաղաղապահ գործունեություն էին ծավալում։ Բայց, ընդհանուր առմամբ, ես աբսուրդներ և ստեր, որն արդեն գործելաոճ է դարձել, չեմ մեկնաբանում»։
Բաց մի թողեք
«Զանգեզուրի միջանցքը» կեղծ է, նման պատրանքներին հետևողների համար հետևանքները ծանր կլինեն. Էբրահիմ Ազիզի
Դա խոչընդոտ կհանդիսանա ՀՀ-ի ԵՄ անդամակցության ճանապարհին․ Սարգսյան
Պավել Դուրովն անդրադարձել է Ֆրանսիայում իր դեմ իրականացվոսղ գործողություններին