ՌԴ Արտաքին գործերի նախարարությունը բողոքի նոտա է հղել հայ գործընկերներին այն բանից հետո, երբ հայկական պատվիրակությունը ուկրաինական Բուչա է այցելել։
Այս մասին NEWS.ru-ին հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
Նրա խոսքով, Մոսկվան Հայաստանի ներկայացուցիչների այցն ուկրաինական այս քաղաք համարում է ոչ բարեկամական քայլ, ինչպես նաև համարում է, որ անընդունելի հայտարարություններ են եղել՝ ուղղված Ռուսաստանին, անընդունելի է նաև Կիևին մարդասիրական օգնության տրամադրումը։
«Մայրաքաղաքի Նոր-Նորք վարչական շրջանի ղեկավար Տիգրան Տեր-Մարգարյանի և Հայաստանի դիվանագիտական ներկայացուցչության անդամ Վլադիմիր Կարապետյանի այցը Բուչի քաղաք պաշտոնական Երևանի բացահայտ ոչ բարեկամական քայլ ենք համարում։ Մենք անհանգստացած ենք նրանց կողմից Ուկրաինայի զինված ուժերի կարիքներին օգնություն տրամադրելու և այնտեղ Ռուսաստանի դեմ արված անընդունելի հայտարարություններով։ Մենք բողոքի նոտա ենք հղել Հայաստանի ԱԳՆ-ին»,- ասել է Զախարովան։
Ավելի վաղ վարչական շրջանի էջում հրապարակվել էր տեղեկատվություն Ուկրաինա կատարած աշխատանքային այցի շրջանակում Երևան քաղաքի Նոր Նորք վարչական շրջանի ղեկավար Տիգրան Տեր-Մարգարյանի և Ուկրաինայում Հայաստանի դեսպան Վլադիմիր Կարապետյանի ունեցած հանդիպումների մասին: Պաշտոնյաներն այցելել են Բուչա, ծաղիկներ խոնարհել զոհվածների հուշակոթողին և հանդիպել Բուչայի քաղաքապետին։
Նաև նշվում էր, որ այցի շրջանակում Նոր Նորք վարչական շրջանի ղեկավարը Երևանի քաղաքապետ Տիգրան Ավինյանի անունից Երևան այցելության պաշտոնական հրավեր է փոխանցել Կիևի քաղաքապետ Վիտալի Կլիչկոյին։
Նկատենք՝ Բուչան ուկրաինական լրատվամիջոցները ներկայացնում են իբրև դիմադրության խորհրդանիշն։ Շուրջ երկու տարի է, ինչ քաղաքը պայքարի մեջ է ռուսական ուժերի հետ: Ինչպես պնդում են ուկրաինական իշխանությունները, 2022 թվականին՝ առաջին ուժգին հարձակման ժամանակ հրթիռակոծության հետևանքով սպանվել է ավելի քան 1,3 հազար մարդ, ավերվել են հարյուրավոր տներ:
Բուչան արդեն մաքրվել է ավերակներից, սակայն քաղաքի վերականգնումը դեռ շարունակվում է։
Բաց մի թողեք
Արտառոց դեպք Երևանում․ համբուրվող զույգին մոտեցածները ներկայացել են որպես ոստիկան ու պահանջել 50 հազար դրամ
ԵԽ արդարադատության նախարարները Ուկրաինային առնչվող հռչակագիր են ընդունել. Հայաստանը չի միացել
Խարդախությամբ գումար են հափշտակում․ ՆԳՆ ոստիկանությունը զգուշացնում է