Հունիսի 10-ին Թուրքիայի նախագահի հրավերով Անկարա է մեկնում Ադրբեջանի նախագահ Իլհամ Ալիեւը: Ըստ թուրքական աղբյուրների, նրա այցի ընթացքում քննարկվելու է երկկողմ գործակցությունը խորացնելու հետ կաված հարցերի շրջանակ:
Նշվում է, որ խոսելու են նաեւ ռեգիոնալ եւ միջազգային նշանակության հարցերի մասին: Թուրքիան արդեն ամիսներ է, չի կարողանում Մոսկվայից ստանալ Պուտինի այցի հստակեցում ու հավանություն:
Բառացիորեն օրեր առաջ Պեսկովը հայտարարեց, թե ռուս-թուրքական բարձր մակարդակի հանդիպում իհարկե կլինի եւ մոտ ապագայում, երբ լինի դրա հնարավորությունը: Ռուսաստանը չի մերժում, բայց չի էլ հաստատում: Թե ինչ չեն կարողանում համաձայնեցնել Պուտինն ու Էրդողանը, միարժեք ասել բարդ է, բայց կասկածից վեր է, որ խնդիրը նրանց աշխատանքի ժամանակացույցը չէ: Նախկինում կարծես թե չէին լինում ամիսներ տեւող այդպիսի դժվարություններ:
Փոխարենը, ի տարբերություն Պուտին-Էրդողան ձեւաչափի, բավականին հանդարտ ու հաջող ընթանում է Պուտին-Ալիեւ գործակցությունն ու պայմանավորվածությունները: Դրանց հանդեպ հերթական շռայլ խոսքերը Պուտինը հնչեցրեց օրեր առռաջ՝ Պետերբուրգի տնտեսական ֆորումի շրջանակում, խոսելով Հյուսիս-հարավ գեոքաղաքական եւ գեոտնտեսական երթուղու մասին, արձաննագրելով դրանում Ադրբեջանի կարեւոր դերը:
Չստանալով Պուտինի համաձայնությունը, Էրդողանն ըստ ամենայնի հրավիրելով Ալիեւին, փորձելու է հասկանալ, թե ինչպես եւ ինչո՞ւ է իր ու Պուտինի «քիմիան» անցել Պուտին-Ալիեւ «դաշտ»:
Բաց մի թողեք
Ալիևի անհավատալի արկածներն Իտալիայում՝ ոչ միայն որպես Ադրբեջանի նախագահ, այլև՝ ՌԴ նախագահի «լիազոր ներկայացուցիչ»
Մոսկվան Ադրբեջանի եւ Թուրքիայի հետ որեւէ «ոչ պակաս ընդգրկուն» պայմանավորվածությամբ չի հարվածի «թիկունքից»
«Դիմադրության» շարժման «սրբազան» շարունակությունը․ առաջիկա հավաքին իրական շահառուները դուրս կգա՞ն «փարդի հետևից»