Քանի որ Հայաստանն աստիճանաբար հեռանում է բացառապես ռուսական զենքի մատակարարներից կախվածությունից՝ Երևանն ավելի բարենպաստ ներքին և միջազգային քաղաքականություն է վարում:
Հաղորդագրությունները ցույց են տալիս, որ Հայաստանը հատուկ հետաքրքրություն է ցուցաբերում «Barak 8» զենիթահրթիռային համալիրի նկատմամբ, որը Հնդկաստանի և Իսրայելի համատեղ նախագիծն է և հայտնի է նաև որպես LR-SAM կամ MR-SAM համակարգ:
Այս մասին գրել է «Bulgarian military»-ին:
Իսրայելա-հնդկական «երկիր-օդ» «Barak 8» հրթիռը Հնդկական պաշտպանական հետազոտությունների և զարգացման կազմակերպության (DRDO) և Իսրայելի օդատիեզերական արդյունաբերության (IAI) համատեղ մշակումն է: Այն նախատեսված է տարբեր օդային սպառնալիքներից հուսալի հակաօդային պաշտպանություն ապահովելու համար։ Հրթիռը ավելի մեծ համակարգի մի մասն է, որն իր մեջ ներառում է բազմաֆունկցիոնալ հսկողության և սպառնալիքների նախազգուշացման ռադար, հրամանատարության և կառավարման համակարգ և շարժական արձակիչներ:
«Պարզվում է, որ Հայաստանը փնտրում է «երկիր-օդ» դասի հրթիռային համալիրների ավելի ժամանակակից և արդյունավետ անալոգներ, որոնք ներկայումս օգտագործվում են հայկական բանակի կողմից: Ներկայումս Հայաստանը շահագործում է S-300 զենիթահրթիռային համալիրը, որն իր հնարավորություններով համարվում է «Barak 8»-ի հիմնական համարժեքներից մեկը»,- ասված է հոդվածում։
Ըստ «Bulgarian military»-ի աղբյուրների, Հայաստանը ձեռք է բերել 9K33 «Օսա» զենիթահրթիռային համալիրը։
«Չնայած այն ավելի հին է, քան Tor-M2KM-ը, 9k33 «Օսա»-ն դեռ արդյունավետ է ինքնաթիռներից և ուղղաթիռներից կարճ հեռահարության հակաօդային պաշտպանություն ապահովելու գործում: Այն ինքնագնաց համակարգ է, որը մեծացնում է դրա գործառնական ճկունությունը և արագ տեղակայման հնարավորությունները»,- ասված է հոդվածում։
Բաց մի թողեք
Կոչեր Ադրբեջանին, միջազգային հանրությանը. Ցեղասպանագետների միջազգային ընկերակցությունը ԼՂ-ի վերաբերյալ բանաձև է ընդունել
ԵԽ արդարադատության նախարարները Ուկրաինային առնչվող հռչակագիր են ընդունել. Հայաստանը չի միացել
Հայաստանում որևէ մեկը զբաղվո՞ւմ է տեղեկատվա-քարոզչական անվտանգության հարցերով