25/07/2024

Ազատության պողոտայում մեքենաներ են բախվել. դրանցից մեկը վթարից հետո հանդիպակաց է երթևեկել. կա վիրավոր

Հունիսի 26-ին՝ ժամը 12:30-ի սահմաններում, Ազատության պողոտայում՝ թիվ 10 շենքի դիմաց, բախվել են «Մերսեդես» և «Միցուբիշի» մակնիշի ավտոմեքենաները:

Վթարի հետևանքով 1 հոգի մարմնական վնասվածքներով տեղափոխվել է թիվ 1 համալսարանական հիվանդանոց:

Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում է վարորդների և վիրավորի ինքնությունը:

Սկզբնաղբյուրը հայտնել է, որ վարորդներից մեկը կին է, իսկ «Միցուբիշին»-ն դեռևս անհայտ հանգամանքներում բախումից հետո հանդիպակաց է երթևեկել: Բարեբախտաբար, ուրիշ ավտոմեքենաների հետ բախում չի եղել: Վարորդը 85-ամյա Հերբերտ Թ.-ն է: