Իրանցիները չեն կարողացել նախագահ ընտրել․ երկրորդ փուլ կլինի

Իրանցիներն առաջին փուլում չեն կարողացել նախագահ ընտրել։

Ոչ մի թեկնածու չի ստացել 50%-ից ավելի ձայները։

Փեզեշքիանը հավաքել է 8,303,577 ձայն, Ջալիլին՝ 7,189,756, Ղալիբաֆը՝ 2,676,512, իսկ Փուրմուհամմադին՝ 158,314:

Երկրորդ փուլին, որը կկայանա հուլիսի 5-ին, կարող են մասնակցել բարեփոխիչ Մասուդ Փեզեշքիանն ու պահպանողական Սաիդ Ջալիլին:

Ինչպես նշում են լրատվամիջոցները, հաջորդ շաբաթ Իրանում «թեժ է լինելու», քանի որ երկու թեկնածուները պետք է ստանան իրենց համախոհների աջակցությունը։

Ավելի վաղ հայտնի էր դարձել, որ 58 հազար ընտրատեղամասերից 32.2 հազար քվեաթերթիկների հաշվարկից հետո Փեզեշկիան ստացել է 5 միլիոն ձայն, Ջալիլին՝ 4 միլիոն 875 հազար։

Հիշեցնենք՝ հունիսի 28-ին տեղի ունեցած նախագահական ընտրություններում նախագահի պաշտոնի համար պայքարել է 4 թեկնածու՝ Մասուդ Փեզեշկիան, Մուստաֆա Փուրմոհամմադին, Սաիդ Ջալիլին և Մոհամմադ Բագիր Ղալիբաֆը:

Իրանի նախագահ Էբրահիմ Ռաիսին մայիսի 19-ին աղետի զոհ դարձավ. Ադրբեջանից վերադառնալիս նրա ինքնաթիռը կործանվել էր, որում եղել էին նաև ԱԳ նախարարը և այլ պաշտոնյաներ: