Եվրամիության երկրների ղեկավարները համաձայնության են եկել ԵՄ ղեկավարության առանցքային պաշտոնների թեկնածուների շուրջ։
Ժոզեպ Բորելի փոխարեն եվրոպական դիվանագիտության ղեկավար է ընտրվել Էստոնիայի վարչապետ Կայա Կալլասը, Շառլ Միշելի փոխարեն՝ Եվրոպական խորհրդի նախագահ՝ Պորտուգալիայի նախկին վարչապետ Անտոնիո Կոստան։
Եվրոպական խորհուրդը նաև առաջադրել է Ուրսուլա ֆոն դեր Լեյենի թեկնածությունը երկրորդ հնգամյա ժամկետով Եվրահանձնաժողովի ղեկավարի պաշտոնում: Այժմ նրան այս պաշտոնում պետք է հաստատի Եվրախորհրդարանը:
Ֆոն դեր Լայենի և Կալլասի թեկնածությունները դեռ վերջնական չեն և պահանջում են Եվրախորհրդարանի հաստատումը։ Կոստան ավտոմատ կերպով ընտրվել է իր նախկին գործընկերների կողմից։
Պաշտոնում հաստատվելու համար Ֆոն դեր Լայենը պետք է ստանա Եվրախորհրդարանի 720 անդամներից առնվազն 361-ի ձայները։
Բաց մի թողեք
Կոչեր Ադրբեջանին, միջազգային հանրությանը. Ցեղասպանագետների միջազգային ընկերակցությունը ԼՂ-ի վերաբերյալ բանաձև է ընդունել
ԵԽ արդարադատության նախարարները Ուկրաինային առնչվող հռչակագիր են ընդունել. Հայաստանը չի միացել
Հայաստանում որևէ մեկը զբաղվո՞ւմ է տեղեկատվա-քարոզչական անվտանգության հարցերով