Հայաստանի և Ադրբեջանի կողմից հարաբերությունների կարգավորմանն ուղղված վերջին քայլերը պատմական հնարավորությունների պատուհան են բացել։ Այս մասին հայտարարել է Ադրբեջանում ԱՄՆ դեսպան Մարկ Լիբին ԱՄՆ անկախության 248-րդ տարեդարձին նվիրված միջոցառման ժամանակ, հայտնում է Report-ը։
Դիվանագետը հիշեցրել է, որ Երևանն ու Բաքուն սկսել են սահմանների սահմանազատման գործընթացը, բանակցություններ են վարել գերիների փոխանակման շուրջ և բացահայտորեն հասկացրել են, որ իրենք ավելի քան երբևէ մոտ են խաղաղության համաձայնագրի ստորագրմանը։
«Պետությունները կիսում են այն համոզմունքը, որ այս ուշագրավ քայլերը պատմական հնարավորությունների պատուհան են բացել: Հայաստանի հետ խաղաղության համաձայնագիրը աննախադեպ կայունություն կստեղծի [տարածաշրջանում] և դուռ կբացի առևտրի և գործնական համագործակցության մեծացման համար, ինչը օգուտ կբերի Ադրբեջանին և ամբողջ տարածաշրջանին։ ԱՄՆ-ը կշարունակի խրախուսել երկու կողմերին՝ օգտվելու այս հնարավորությունից, և մենք կանենք ամեն ինչ՝ օգնելու համար»,- ասել է նա։
Բաց մի թողեք
Նրան հարվածում են ոչ թե մեղքերի, այլ առաքինությունների համար. Համբարյան
Իրավապահ համակարգը, վստահաբար, գիտակցում է, որ դարձել է փաշինյանին ու ռեժիմին ծառայող կլասիկ բռատիրական գործիք. Գալստյան
#Նիսյա Հայաստան․ Ինչքան էլ կառավարությունն իրեն շլանգի տեղ դնի` ակնհայտ է չէ՞, որ վրացիները ինչ-որ բանից ահավոր դժգոհ են․ Նահապետյան