«ՆԱՏՕ-ի հետ մերձեցումը ամենաբացասական հետևանքները կունենա Մոլդովայի ինքնիշխանության ու անվտանգության համար». ՌԴ ԱԳՆ

Մոլդովայի նախագահ Մայա Սանդուի գիծը ՆԱՏՕ-ի հետ մերձեցման ուղղությամբ կունենա ամենաբացասական հետևանքները հանրապետության ինքնիշխանության և անվտանգության համար։

Այս մասին ՏԱՍՍ լրատվական գործակալությանը տված հարցազրույցում ասել է ՌԴ ԱԳՆ ԱՊՀ երկրների երկրորդ դեպարտամենտի ղեկավար Ալեքսեյ Պոլիշչուկը։

«Մոլդովայի ղեկավարության ներկայիս կուրսի շարունակությունը՝ ուղղված չեզոք կարգավիճակից հեռանալուն, ՆԱՏՕ-ի հետ մերձեցմանը և պատմական կապերի խզմանը Ռուսաստանի և ԱՊՀ այլ պետությունների հետ, ամենաբացասական հետևանքները կունենա Մոլդովայի ինքնիշխանության և անվտանգության ու Մոլդովայի ժողովրդի սոցիալ-տնտեսական վիճակի համար»,- ​​նշել է դիվանագետը:

Նա նաև հավելել է, որ հանրապետության քաղաքացիները դա հրաշալի հասկանում են։