Հայաստանի պաշտպանության նախարարությունում աշխատելու համար ԱՄՆ բանակի ներկայացուցչի նշանակումը Երեւանի՝ Մոսկվայի հետ կապերը խզելու հետեւողական քայլն է։
«Газета.Ru»-ի հետ զրույցում նման կարծիք է հայտնել Պետդումայի ԱՊՀ գործերով, եվրասիական ինտեգրման եւ հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինը։
«Այն, ինչ մինչ այժմ գաղտնի էր, պարզ է դառնում։ Վստահ եմ, որ այս հայտարարությունից առաջ էլ Փաշինյանի կառավարությունը Ռուսաստանի հետ ռազմական համագործակցության հետ կապված ամեն ինչ արտահոսել է Արևմուտքում իր նոր գործընկերներին։ Հիմա դա այլեւս չենք կարող թաքցնել, և հենց դա է կապված ՊՆ-ում պաշտոնական ներկայացուցչի հայտնվելու հետ»,- ասել է Զատուլինը։
Ըստ նրա՝ Ռուսաստանին սպառնացող վտանգն այն է, որ Փաշինյանի ներկայիս իշխանությունն ակտիվ ջանքեր է գործադրում հայ քաղաքացիների գիտակցությունը վերաձեւելու և նրանց հավատացնելու, որ Արևմուտքը կօգնի իրենց, իսկ Ռուսաստանը՝ իրենց թշնամին է, «չնայած դա ուղիղ չի ասվում»։
«Ինչ վերաբերում է ռազմական ոլորտում ամերիկացիների և Արևմուտքի հետ ներկայիս համակարգմանը, ապա այս դավաճանական կուրսի շրջանակներում դրանք միանգամայն հասկանալի հետևողական քայլեր են Ռուսաստանի, հետխորհրդային տարածքի հետ կապերը խզելու և Արևմուտքի թևի տակ անցնելու ուղղությամբ»,- ընդգծել է նա։
Բաց մի թողեք
Ալիևի անհավատալի արկածներն Իտալիայում՝ ոչ միայն որպես Ադրբեջանի նախագահ, այլև՝ ՌԴ նախագահի «լիազոր ներկայացուցիչ»
Մոսկվան Ադրբեջանի եւ Թուրքիայի հետ որեւէ «ոչ պակաս ընդգրկուն» պայմանավորվածությամբ չի հարվածի «թիկունքից»
«Դիմադրության» շարժման «սրբազան» շարունակությունը․ առաջիկա հավաքին իրական շահառուները դուրս կգա՞ն «փարդի հետևից»