ՌԴ ԱԳ նախարար Սերգեյ Լավրովը դրական է գնահատել Ջեյ Դի Վենսի առաջադրումը որպես Հանրապետական կուսակցության փոխնախագահի թեկնածու։
«Նա հանդես է գալիս խաղաղության, Ուկրաինային տրամադրվող օգնության դադարեցման օգտին: Մենք դա կարող ենք միայն ողջունել, քանի որ, իրականում, անհրաժեշտ է դադարեցնել Ուկրաինային սպառազինություն տրամադրելը։ Եվ պատերազմը կավարտվի։ Եվ հնարավոր կլինի լուծումներ փնտրել»,- ասել է Լավրովը։
Հուլիսի 15-ին ԱՄՆ նախագահի թեկնածու Դոնալդ Թրամփը հայտարարել էր, որ որպես ԱՄՆ փոխնախագահի թեկնածու ընտրել է սենատոր Դևիդ Վենսին։ Վենսը նախկինում բազմիցս հրապարակայնորեն կոչ է արել դադարեցնել Ուկրաինային օգնելու համար ԱՄՆ բյուջեից գումար հատկացնելը: Նա հայտարարել է, որ պատերազմը պետք է հնարավորինս շուտ ավարտվի բանակցությունների միջոցով։
Հիշեցնենք, որ Politico-ի հետ զրույցում եվրոպական բարձրաստիճան պաշտոնյաներից մեկը Վենսի թեկնածությունը փոխնախագահի պաշտոնում անվանել էր «աղետ Ուկրաինայի համար»:
Բաց մի թողեք
Երևանի 28 փողոցներում լուսավորության ծրագիրը կատարվել է ընդամենը 35 տոկոսով
Դուք մեծ առաջնորդ եք, երկնքից ուղարկված պետական գործիչ. Տոկաևը՝ Թրամփին
«Օզեմպիկ»-ի արտադրող դեղագործական ընկերության ղեկավարը կորցրել է գիտակցությունը Թրամփի աշխատասենյակում․ Լուսանկար