Իրանի գերագույն և հոգևոր առաջնորդ այաթոլլահ Ալի Խամենեին պաշտոնապես հաստատել է Մասուդ Փեզեշքիանին Իրանի նախագահի պաշտոնում, հայտնում է Tasnim-ը։
Գործակալության տվյալներով՝ Թեհրանում տեղի ունեցած արարողության ժամանակ Խամենեին պաշտոնապես լիազորել է Փեզեշքիանին՝ ստանձնել պաշտոնը։
Արարողության ընթացքում Փեզեշքիանը Խամենեից հաստատման հրամանագիր է ստացել և պաշտոնապես հաստատվել չորս տարով։
Իրանի նոր նախագահի երդմնակալության արարողությունը տեղի կունենա հուլիսի 30-ին երկրի խորհրդարանում, որտեղ վերջինս հրապարակային երդում կտա։
Գործակալությունը նշում է, որ իրանական օրենսդրության համաձայն՝ երդմնակալությունից հետո երկու շաբաթվա ընթացքում նոր նախագահը պետք է ներկայացնի իր ծրագիրն ու նախարարների թեկնածությունները։
Պատգամավորները մեկ շաբաթ կքննարկեն առաջարկվող նախարարների լիազորությունները, ապա վստահության քվեի վերաբերյալ վերջնական նիստ կանցկացնեն:
Իրանում կայացած նախագահական ընտրությունների երկրորդ փուլում բոլոր ձայները հաշվելուց հետո հաղթել էր Մասուդ Փեզեշքիանը:
Քվեարկությունը նշանակվել էր մայիսի 19-ին ավիավթարի հետևանքով գործող նախագահ Էբրահիմ Ռաիսիի մահից հետո:
Բաց մի թողեք
Վրաստանում զանգվածային ձերբակալություններ են
ԱՄՆ-ն հայտարարել է, որ Պուտինից «կտրուկ ազդանշան» է ստացել
Ով է ցանկանում դառնալ ԱՄՆ նախագահ․ Լուսանկար